જામનગરમાં સવારે શિયાળા જેવું વાતાવરણ: તાપમાન ૩૨ ડીગ્રી

October 10, 2025 05:14 PM

જામનગર સહિત સમગ્ર હાલારમાં ત્રણ દિવસથી ધીરે-ધીરે શિયાળાની છાંટ વર્તાઇ રહી છે, વ્હેલી સવારે ઠંડક અને બપોરના ગરમી જેવું વાતાવરણ જોવા મળ્યું છે, મિશ્ર ઋતુ શરૂ થઇ છે અને શિયાળાનું ધીરે-ધીરે આગમન શરૂ થઇ ચૂકયું છે ત્યારે છુટા-છવાયા ઝાપટાને બાદ કરતા હવે ચોમાસાની વિદાય નકકી હોવાનું હવામાન ખાતુ કહે છે અને આવા સમયે હાલારનું તાપમાન ૩૨ ડીગ્રીએ રહ્યું છે.

કલેકટર કચેરીના ક્ધટ્રોલ રૂમના જણાવ્યા મુજબ મહત્તમ તાપમાન ૩૨ ડીગ્રી, લઘુતમ તાપમાન ૨૨ ડીગ્રી, હવામાં ભેજ ૯૩ ટકા, પવનની ગતિ ૧૦ થી ૧૫ કિ.મી. પ્રતિકલાક જોવા મળી હતી. ગુજરાતના અન્ય શહેરો કરતા જામનગર દરિયાકાંઠે હોય ભેજનું પ્રમાણ પણ વધે છે, એટલું જ નહીં ઠંડો પવન પણ અન્ય શહેરો કરતા વધારે જોવા મળે છે. કેટલાક ગામડાઓમાં ૧૦૦ ટકાથી વધુ વરસાદ વરસી ચૂકયો છે તો કેટલાક ગામડાઓમાં જોઇએ તેટલો વરસાદ થયો નથી. જો કે મોટાભાગના ચેકડેમો ભરાઇ ગયા છે, જેને કારણે પીવાના પાણીની કે ખેતીમાં અપાતા પાણીને કોઇ મુશ્કેલી નહીં પડે.

જામનગર સહિત સૌરાષ્ટ્રના કેટલાક ગામડાઓમાં પાછોતરા વરસાદ બાદ કપાસ બગડવાની થોડી શકયતા વધી ગઇ છે અને તેમાં જીવાત શરૂ થઇ છે જેને કારણે ફાલ ખરી જવાની તેવી ગંભીર સ્થિતિનું પણ કયાંક નિર્માણ થયું છે જેથી ખેડુતોને ભારે નુકશાન થવાની શકયતા છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરમાં સવારે શિયાળા જેવું વાતાવરણ: તાપમાન ૩૨ ડીગ્રી

Recent News

Gujarat's No. 1 evening newspaper