વારિસ પંજાબ દે ચીફ અને ખાલિસ્તાની અમૃતપાલ સિંહ પંજાબની ખદુર સાહિબ બેઠક પરથી ચૂંટણી લડશે. લોકસભા ચૂંટણી માટે અમૃતપાલનું નામાંકન ફોર્મ સ્વીકારવામાં આવ્યું છે. અમૃતપાલ ખડુર સાહિબ બેઠક પરથી અપક્ષ ઉમેદવાર તરીકે ચૂંટણી લડશે.

અમૃતપાલ સિંહ હાલ આસામની ડિબ્રુગઢ જેલમાં બંધ છે. થોડા સમય પહેલા તેમના એડવોકેટ રાજદેવ સિંહ ખાલસાએ અમૃતપાલના ચૂંટણી લડવાની વાત કરી હતી. બાદમાં તેની માતાએ પણ આ વાતને સમર્થન આપ્યું હતું.

તાજેતરમાં જ અમૃતપાલે નોમિનેશન અંગે સાત દિવસની છૂટ માંગી હતી. પરંતુ તેને જામીન મળ્યા ન હતા. ગયા વર્ષે 23 એપ્રિલે અમૃતપાલની ધરપકડ કરવામાં આવી હતી અને રાષ્ટ્રીય સુરક્ષા અધિનિયમ (NSA) એક્ટ, 1980 હેઠળ અટકાયતમાં લેવામાં આવ્યો હતો.

શિરોમણી અકાલી દળના સિમરનજીત સિંહ માન જ્યારે 1989માં યોજાયેલી ચૂંટણીમાં તરનતારનથી ચૂંટણી લડ્યા હતા ત્યારે તેઓ ભાગલપુર જેલમાં બંધ હતા. ગેરકાયદેસર રીતે કાઠમંડુમાં પ્રવેશવા બદલ તેની ધરપકડ કરવામાં આવી હતી. જ્યારે પટિયાલાથી તેમની પાર્ટીના નેતા અતિન્દરપાલ સિંહ પણ જેલમાં હતા ત્યારે જીત્યા હતા. અતિન્દરપાલે જણાવ્યું કે તે દિવસોમાં તે તિહાર જેલમાં બંધ હતો.