વિકિલીક્સના સ્થાપક જુલિયન અસાંજે જેલમાંથી મુક્ત થયા છે. વિકિલીક્સે આ અંગે માહિતી આપી છે. યુએસ જસ્ટિસ ડિપાર્ટમેન્ટ સાથે અમુક કરાર બાદ તેને લંડનની હાઈ સિક્યોરિટી જેલમાંથી મુક્ત કરવામાં આવ્યો છે. મુક્ત થયા બાદ અસાંજે તેના વતન ઓસ્ટ્રેલિયા જવા રવાના થયો છે, તેમના પર ગોપ્નીય લશ્કરી રેકોડ્ર્સ પ્રકાશિત કરવાનો આરોપ મુકવામાં આવ્યો છે.

વિકિલીક્સના સ્થાપક જુલિયન અસાંજે યુએસ જસ્ટિસ ડિપાર્ટમેન્ટ સાથેના કરારના ભાગરૂપે સરકારી ડેટાની ચોરી કરવાના ગંભીર આરોપો સ્વીકાયર્િ બાદ તેમને મુક્ત કરવાનો નિર્ણય લેવાયો છે. તાજેતરમાં દાખલ કરાયેલ ફેડરલ કોર્ટના દસ્તાવેજો અનુસાર, અસાંજે આ ડીલ હેઠળ યુએસમાં જેલમાંથી બચી શકશે. નવા કરારની શરતો હેઠળ, ન્યાય વિભાગ અસાંજે માટે 62 મહિનાની સજાની માંગ કરશે. આ તે સમયની સમકક્ષ છે જ્યારે અસાંજે લંડનમાં અમુક સમય જેલમાં સેવા આપી હતી, જ્યાં તે યુએસમાં પ્રત્યાર્પણની લડાઈ લડી રહ્યો હતો.આ સમયને અરજી કરારમાં સામેલ કરવામાં આવશે, એટલે કે અસાંજેની સજા પૂર્ણ માનવામાં આવશે. આનાથી અસાંજે તરત જ તેના વતન ઓસ્ટ્રેલિયા પરત ફરી શકશે. દરમિયાન વિકિલીક્સે સોશિયલ મીડિયા પ્લેટફોર્મ  પર અહેવાલ આપ્યો છે કે અસાંજે જેલમાંથી મુક્ત થઈ ગયો છે.વિકિલીક્સે ટ્વિટર પર લખ્યું, ’જુલિયન અસાંજેને મુક્ત કરવામાં આવ્યા છે. તે ત્યાં 1901 દિવસ ગાળ્યા બાદ 24 જૂને સવારે બેલમાર્શ મેક્સિમમ સિક્યુરિટી જેલમાંથી બહાર આવ્યો હતો. લંડનની હાઈકોર્ટે તેમને જામીન આપ્યા હતા.

અસાંજે સામે શું આરોપ છે?
જુલિયન અસાંજે પર 2010 અને 2011 માં ભૂતપૂર્વ લશ્કરી ગુપ્તચર વિશ્લેષક ચેલ્સિયા મેનિંગ દ્વારા તેમને આપવામાં આવેલા ગોપનીય લશ્કરી રેકોડ્ર્સ પ્રકાશિત કરવાનો આરોપ છે. સરકારી ડેટાની ચોરી અને પ્રકાશિત કરવામાં તેમની કથિત ભૂમિકા માટે 2019ના આરોપમાં તેને 18 પ્રકારના આરોપો નો સામનો કરવો પડ્યો હતો. તેમાં મહત્તમ 175 વર્ષની જેલની સજા છે. જો કે, તેને સંપૂર્ણ સજા મળવાની શક્યતા ઓછી હતી.અમેરિકી અધિકારીઓએ આરોપ લગાવ્યો હતો કે અસાંજે ચેલ્સી મેનિંગને હજારો પાનાના ભરેલા યુએસ ડિપ્લોમેટિક કેબલ મેળવવા માટે ઉસ્કેર્યા હતા. આ વર્ગીકૃત સ્ત્રોતો, જેમાં ઇરાક યુદ્ધ સંબંધિત મહત્વપૂર્ણ પ્રવૃત્તિ અહેવાલો અને ગ્વાન્ટાનામો ખાડીના કેદીઓ સંબંધિત માહિતીનો સમાવેશ થાય છે.