દેશમાં ડાયાબિટીસના કેસ ઝડપથી વધી રહ્યા છે. દેશમાં આ રોગના 10 કરોડથી વધુ કેસ છે. ડાયાબિટીસનો રોગ સુગરના લેવલમાં વધારો થવાને કારણે થાય છે. હવે 30 થી 35 વર્ષની ઉંમરે પણ સુગર લેવલ વધી રહ્યું છે. આ એવા લોકોમાં પણ થઈ રહ્યું છે જેમને ટાઇપ 1 ડાયાબિટીસ નથી. આનો અર્થ એ થયો કે તેમના માતાપિતા તરફથી તેમનામાં ડાયાબિટીસ ટ્રાન્સફર થયુ નથી છતાં પણ સુગર લેવલમાં વધારો થવાને કારણે ડાયાબિટીસ થઈ રહ્યું છે પરંતુ નાની ઉંમરે શુગર લેવલ કેમ વધે છે અને તેને કેવી રીતે નિયંત્રિત કરી શકાય?

ડોક્ટર કહે છે કે 30 થી 35 વર્ષની ઉંમરે સુગર લેવલ વધવાનું મુખ્ય કારણ ખાવાની ખરાબ આદતો છે. આજકાલ લોકોના ખોરાકમાં સુગર, રીફાઇન્ડ કાર્બોહાઇડ્રેટ્સ અને ચરબી વધુ હોય છે. ખોરાકમાં મીઠાઈનું પ્રમાણ પણ વધ્યું છે અને લોકો પહેલા કરતા વધુ ફાસ્ટ ફૂડ ખાઈ રહ્યા છે. આ પ્રકારના ખોરાકમાં GI ઇન્ડેક્સ વધારે હોય છે, જે શરીરમાં સુગર લેવલ વધારે છે.

માનસિક તણાવ પણ એક મોટું કારણ

ડૉકટર કહે છે કે કામના દબાણ, ઘરના તણાવ અને સોશિયલ મીડિયાના પ્રભાવને કારણે લોકોનું માનસિક સ્વાસ્થ્ય બગડી રહ્યું છે. નાની ઉંમરે સુગર લેવલ વધવાનું એક મુખ્ય કારણ માનસિક તણાવ પણ છે. માનસિક તણાવ હોર્મોનલ સંતુલનને ખલેલ પહોંચાડે છે. જે સીધી રીતે સુગર લેવલને અસર કરે છે.

ડૉ. કહે છે કે હવે લોકોની જીવનશૈલી બગડી ગઈ છે, લોકો ફોન પર કલાકો વિતાવે છે પણ કસરત ઓછી કરે છે. કસરત ન કરવાથી પણ શરીરમાં સુગર લેવલ વધે છે. આજના સમયમાં નાની ઉંમરે ઇન્સ્યુલિન રજીસ્ટેન્સ થઈ રહ્યું છે. આના કારણે શરીરમાં સુગર પણ વધે છે. ઘણા કિસ્સાઓમાં લોકો તેના શરૂઆતના લક્ષણોથી વાકેફ હોતા નથી. જ્યારે ડાયાબિટીસ થાય છે ત્યારે ખબર પડે છે કે આ રોગ શરીરમાં વિકસ્યો છે.

સુગર લેવલને કેવી રીતે નિયંત્રિત કરવું

• દરરોજ ઓછામાં ઓછો અડધો કલાક કસરત કરો
• વધારે મીઠાઈ ન ખાઓ
• આહારનું ધ્યાન રાખો, આહારમાં લીલા શાકભાજી અને ફળોનો સમાવેશ કરો

• માનસિક તણાવ ન લો