ચીનમાં ગધેડાની વસ્તી અચાનક જ ઓછી થવા લાગી છે. અન્ય ઘણા દેશોમાં પણ ગધેડાની વસ્તી ઝડપથી ઘટી રહી છે. જ્યારે તપાસ કરવામાં આવી તો જાણવા મળ્યું કે મોટી સંખ્યામાં ગધેડાઓને મારીને તેની ચામડી વેચવામાં આવી રહી છે. તેમાં જોવા મળતા જિલેટીનનો ઉપયોગ અનેક ઉત્પાદનોમાં થાય છે.

ચાઇનામાં પરંપરાગત રીતે ઔષધીય ઉપાય તરીકે ગધેડાની ચામડીમાંથી જિલેટીનથી બનાવવામાં આવે છે અને તેની ખૂબ માંગ છે. સ્ટેમિના અને સુંદરતા વધારવા માટે ગધેડાને મારીને દવા બનાવવામાં આવે છે.

રિપોર્ટ અનુસાર, દર વર્ષે લગભગ 59 લાખ ગધેડાને મારીને તેની ચામડીમાંથી જિલેટીન કાઢવામાં આવે છે. જિલેટીનમાંથી બનતી દવાઓની બજારમાં ખૂબ માંગ છે.

આ ખાસ દવા જિલેટીનનો ઉપયોગ કરીને બનાવવામાં આવે છે

ગધેડાની ચામડીમાંથી કાઢવામાં આવતા જિલેટીનને અજિયો કહેવામાં આવે છે. આ જિલેટીનનો ઉપયોગ ચીનમાં જૂની દવાઓ બનાવવામાં થાય છે. આ સિવાય જિલેટીનનો ઉપયોગ એનિમિયાથી લઈને સ્કિન કેર અને બ્યુટી પ્રોડક્ટ્સ સુધી દરેક વસ્તુમાં થાય છે. સૌથી ચોંકાવનારી વાત એ છે કે ચીનમાં અજિયોનો ઉપયોગ ચાથી લઈને ખાવાની વસ્તુઓમાં પણ થાય છે.

અજીયો  ગધેડાના ચામડામાંથી કાઢવામાં આવેલા કોલેજનમાંથી બનાવવામાં આવે છે. જ્યારે તેને ગધેડાની ચામડીમાંથી બહાર કાઢવામાં આવે છે. પછી તેને અન્ય વસ્તુઓમાં ભેળવીને દવા બનાવવામાં આવે છે. રિપોર્ટ્સ અનુસાર ચીનમાં અજીયોની ભારે માંગ છે પરંતુ પુરવઠો મર્યાદિત છે. પાકિસ્તાન જેવા દેશોમાંથી ચીનને મોટી સંખ્યામાં ગધેડા સપ્લાય કરવામાં આવે છે.