જ્યારથી દિલ્હીના મુખ્યમંત્રી અરવિંદ કેજરીવાલે રાજીનામાની જાહેરાત કરી છે. ત્યારથી સવાલ ઉઠી રહ્યો છે કે દિલ્હીના આગામી મુખ્યમંત્રી કોણ હશે?  આજે પ્રેસ કોન્ફરન્સ દરમિયાન જ્યારે સૌરભ ભારદ્વાજને પૂછવામાં આવ્યું કે દિલ્હીના આગામી મુખ્યમંત્રી કોણ હશે તો તેમણે કહ્યું કે, 'હું આ વિશે તમારા જેટલું જ જાણું છું.'

સૌરભ ભારદ્વાજે વધુમાં કહ્યું કે, 'ભારતીય જનતા પાર્ટી પ્રત્યે ભારે નારાજગી છે. તેઓ ચૂંટાયેલા મુખ્ય મંત્રીની પાછળ પડી ગયા છે અને તેમની તમામ શક્તિનો ઉપયોગ કર્યો છે. જ્યારે તેઓ (કેજરીવાલ) જેલમાંથી બહાર આવ્યા ત્યારે તેમણે સત્તા પર નથી બેઠા.  તેમણે કહ્યું કે જ્યાં સુધી જનતા નહીં કહે ત્યાં સુધી હું સત્તાની આ ખુરશી પર બેસીશ નહીં. સૌરભ ભારદ્વાજે કહ્યું કે કેજરીવાલને વડાપ્રધાનના ઈશારે ફસાવવામાં આવ્યા અને તેમના ષડયંત્રનો પર્દાફાશ થયો.

મંત્રી સૌરભ ભારદ્વાજે કહ્યું કે સતયુગમાં ભગવાન રામે જે ગરિમાના નામે રાજગાદી છોડી દીધી હતી, તેનું ઉદાહરણ આજે જોવા મળી રહ્યું છે કે અરવિંદ કેજરીવાલે ગૌરવ અને નૈતિકતાના નામે રાજીનામું આપ્યું છે.

તેમણે વધુમાં કહ્યું કે સતયુગમાં ભગવાન રામે સંજોગોને કારણે સિંહાસન ત્યાગ કર્યું હતું અને 14 વર્ષ માટે વનવાસમાં ગયા હતા. અયોધ્યાની આખી પ્રજા કહી રહી હતી કે રામ, તમે ન જાવ. આ સિંહાસન પર બેસો. પરંતુ પ્રતિષ્ઠાના કારણે રામે તે ગાદી છોડી દીધી. સિંહાસન મેળવનાર ભરત પણ રામ પાછા ફરે અને કામ સંભાળે તેની રાહ જોતા રહ્યા. અરવિંદ કેજરીવાલ રામ નથી, રામ ભગવાન હતા. હનુમાન ભગવાન રામના ભક્ત છે અને અરવિંદ કેજરીવાલ હનુમાનના ભક્ત છે. તેમની સરખામણી રામ સાથે ન થઈ શકે.

આજે આમ આદમી પાર્ટીની પોલિટિકલ અફેર્સ કમિટી (PAC)ની બેઠક યોજાવાની છે. સાંજે સીએમ આવાસ પર PACની બેઠક યોજાશે. આ દરમિયાન દિલ્હીના નવા મુખ્યમંત્રીના નામ પર ચર્ચા થઈ શકે છે.