મોટા વડીયા ગામમાં ગળાફાંસો ખાઇ મહિલાએ જીવતર ટુકાવ્યું

જામનગરના બેડેશ્ર્વર વિસ્તારમાં રહેતા એક પ્રૌઢ ઘરે જમતી વેળાએ અચાનક ઢળી પડતા તેમનું મૃત્યુ નિપજયું છે, જયારે મોટા વડીયા ગામમાં બિમારીનું મનમાં લાગી આવતા મહિલાએ ગળાફાંસો ખાઇને જીવાદોરી ટુંકાવી લીધી છે.

જામનગરના વાલસુરા રોડ, બેડેશ્ર્વર વિસ્તાર, મંદિર પાસે રહેતા મોહનભાઇ રતીલાલ બાબરીયા (ઉ.વ.55) નામના પ્રૌઢ ગઇકાલે પોતાના ઘરે જમતા હતા ત્યારે અચાનક તબીયત લથડતા જી.જી. હોસ્પીટલ સારવારમાં લઇ જવામાં આવેલ જયાં તેમનું મૃત્યુ નિપજયુ હતું. આ બનાવ અંગે જતીનભાઇ બાબરીયાએ બેડી મરીન પોલીસમાં જાણ કરી હતી.

બીજા બનાવમાં જામજોધપુર તાલુકાના મોટા વડીયા ગામમાં રહેતી વાલીબેન કરશનભાઇ બડીયાવદરા (ઉ.વ.45) નામના મહિલા થોડા સમયથી કબજીયાતની બિમારી હોય અને તેઓને કેન્સર હોય તેવું મનમાં લાગી આવતા પોતાની મેળે ગળાફાંસો ખાઇ લેતા સારવાર માટે હોસ્પીટલ લઇ જતા જયાં તેણીનું મૃત્યુ થયુ હતું, આ અંગે નાંદુરી ગામમાં રહેતા ભીમશીભાઇ વએ પોલીસમાં જાણ કરી હતી.