આસ્થા : મકરસંક્રાંતિનાં દિવસે ખીચડી બનાવવાનું શું છે મહત્વ

  • January 13, 2021 12:47 PM 870 views

મકરસંક્રાંતિનો પવિત્ર તહેવાર દેશભરમાં ધૂમધામથી ઉજવવામાં આવે છે. આ દિવસે, લોકો સવારે ઉઠે છે અને નદી કિનારે જાય છે. આવતીકાલે 14 જાન્યુઆરીએ મકરસંક્રાંતિનો ઉત્સવ ઉજવાશે. આ દિવસે લોકો સ્નાન કરે છે અને ભગવાન સૂર્યની પૂજા કરે છે. મકરસંક્રાંતિના દિવસે દાન કરવું પણ શુભ માનવામાં આવે છે. ખાસ કરીને મકરસંક્રાંતિના દિવસે ખીચડી બનાવવામાં આવે છે. તેને પ્રસાદ તરીકે પણ લેવામાં આવે છે. ખીચડીને સૌથી શુદ્ધ ખોરાક પણ માનવામાં આવે છે. તેમાં ચોખા, દાળ અને વિવિધ શાકભાજીનું મિશ્રણ હોય છે.

જાણો કે ખીચડી આ દિવસે કેમ બનાવવામાં આવે છે 
મકરસંક્રાંતિ પર ખીચડી ખાવાની પરંપરા વર્ષોથી ચાલે છે. એવું કહેવામાં આવે છે કે ખિલજીના આક્રમણ વખતે, નાથ યોગીઓ પાસે ખાવા માટે કંઈ નહોતું. ત્યારે બાબા ગોરખનાથે દાળ, ભાત અને લીલા શાકભાજી એક સાથે રાંધવાની સલાહ આપી. ત્યારથી આજ દિવસે ખીચડી ખાવાનો અને બનાવવાનો રિવાજ થયો છે. ખીચડી પણ પૌષ્ટિક આહાર તરીકે સ્વીકૃત છે. મકરસંક્રાંતિના દિવસે ખીચડીનો ભોગ ચડાવવામાં આવે છે. આ દિવસે બાબા ગોરખનાથ મંદિરમાં ખીચડી પણ ચઢાવવામાં આવે છે.

 મકરસંક્રાંતિ પર હોય છે પુણ્ય કાળનું મહત્વ વિશેષ  
પુણ્યકાળનું મકરસંક્રાંતિ પર વિશેષ મહત્વ હોય છે. માનવામાં આવે છે કે પુણ્યકાળ દરમિયાન પૂજા અને દાન વગેરે કરવાથી તમને મકરસંક્રાંતિનો પૂરો લાભ મળે છે. મકરસંક્રાંતિના દિવસે સવારે 8.20 વાગ્યે સૂર્ય ભગવાન ધનુ રાશિથી મકર રાશિમાં પ્રવેશ કરશે. પંચાંગ મુજબ મકરસંક્રાંતિનો શુભ સમય સૂર્યાસ્ત સુધી રહેશે.


લાઈક અને ફોલો કરો અમારું ફેસબુક પેજ FACEBOOK - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  9978984740  

View News On Application