​​​​​​​અરિજિત સિંહ આજે બોલિવૂડના ટોચના ગાયકોમાં સામેલ છે. તેણે છેલ્લા દાયકામાં તેના અવાજ અને ચાર્ટ-ટોપિંગ હિટ સાથે લાખો ચાહકોને જીતી લીધા છે. અરિજીતના ગીતો વાગતાની સાથે જ બધા નાચવા લાગે છે. અરિજિતની જબરદસ્ત લોકપ્રિયતા અને સફળતા છતાં ગાયિકા સુનિધિ ચૌહાણના મતે અરિજિતની સૌથી ખાસ વાત એ છે કે તેનો અદ્ભુત સ્વભાવ અને તેના ક્રાફ્ટ પ્રત્યે તેનું સંપૂર્ણ સમર્પણ.

સુનિધિએ અરિજીતના કર્યા વખાણ

તાજેતરની વાતચીતમાં સુનિધિ ચૌહાણે સંગીત પ્રત્યે અરિજિત સિંહના અનન્ય અભિગમની પ્રશંસા કરી. તેણે કહ્યું કે મ્યુઝિક કોન્સર્ટ દરમિયાન પણ  જ્યાં તે હજારો ચાહકોથી ઘેરાયેલો હોય છે. અરિજિત ખૂબ જ મસ્ત રહે છે અને એવું લાગે છે કે તે આરામથી તેના ઘરે છે અને  તેના સંગીતમાં સંપૂર્ણપણે મગ્ન છે. ભીડને ધ્યાનમાં લીધા વિના તે ફક્ત તેના પ્રદર્શન પર ધ્યાન કેન્દ્રિત કરે છે.

સુનિધિએ અરિજિતને કહ્યો ‘વિદ્યાર્થી’

કમલી સિંગરે તેના જુનિયર, અરિજિતનો ‘વિદ્યાર્થી’ તરીકે ઉલ્લેખ કર્યો અને કહ્યું કે અરિજિત પોતાની જાતને ઘણી શૈલીઓ અને અન્ય ગાયકો સાથે અનુકૂળ કરી શકે છે. તેને "મોટી ગુણવત્તા" તરીકે વર્ણવતા, તેણીએ કહ્યું કે 'તુમ હી હો' ગાયક "પોતાના અવાજને બદલ્યા વિના" તેને અપનાવે છે કરો. સુનિધિએ કહ્યું કે ગાયકો સામાન્ય રીતે શૈલી બદલવા માટે તેમના અવાજમાં ફેરફાર કરે છે, જો કે અરિજિત એવું નથી કરતો.

સુનિધિએ કહ્યું કે અરિજીત પોતાને પ્રેમ નથી કરતો

સુનિધિએ વધુમાં ઉમેર્યું, "મને લાગે છે કે તે પોતાની જાતને પૂરતો પ્રેમ નથી કરતો, તેથી જ તે જે કરી રહ્યો છે તે કરવા સક્ષમ છે. તે એક વિદ્યાર્થી છે, તેને નથી લાગતું કે તે અરિજિત સિંહ છે. તેણે ઉમેર્યું કે અરિજિત એક ચિલ્ડ આઉટ પર્સન છે એટલે કે પોતાની મોજમાં રહેવાવાળો અને તે ઘણીવાર "અન્ય ગાયકોને સાંભળવાનું પસંદ કરે છે અને તેને જે ગમતા હોય તેમાં પોતાની જાતને ઢાળવાનો પ્રયત્ન કરે છે. તેના વિશે વિગતે વાત કરતાં સુનિધિએ કહ્યું કે પછી ભલે તે કોઈ દિવંગતલેજન્ડ હોય જેવા કે  લતા મંગેશકર, કિશોર કુમાર હોય કે કોઈ નવો કલાકાર હોય સિંગર તેના મ્યુઝિક કોન્સર્ટમાં અવારનવાર બીજાના ગીતો ગાય છે. સુનિધીએ કહ્યું અરિજિત મ્યુઝીક બનાવવા માંગે છે અને પ્રેક્ષકો તેમને સાંભળવા માંગે છે.

અરિજિતે તબીબી કારણોસર યુકે કોન્સર્ટ મુલતવી રાખી

અરિજિત સિંહે હાલમાં જ “તબીબી કારણોસર” તેમનો UK પ્રવાસ સ્થગિત કર્યો છે. જે કોન્સર્ટ ઓગસ્ટમાં યોજાવાની હતી તે હવે આ વર્ષે સપ્ટેમ્બરમાં યોજાશે. તેની ઇન્સ્ટાગ્રામ પોસ્ટમાં અરિજિતે તેના ચાહકોની માફી પણ માંગી હતી જેમણે તેના શો માટે ટિકિટ ખરીદી હતી. તેમણે કહ્યું કે હાલની ટિકિટો આવતા મહિને માન્ય રહેશે.