જયારે તાજેતરમાં મ્યુનિસિપલ કમિશ્ર્નરે સ્ટેન્ડીંગ કમીટીની બેઠકમાં રજૂ કરેલા  વર્ષ ૨૦૨૫-૨૬ના રીવાઇઝડ અને વર્ષ ૨૦૨૬-૨૭ના ડ્રાફટ અંદાજપત્રમાં અગાઉના બે બજેટમાં દર્શાવેલા પાણી પુરવઠાના કામોમાંથી કેટલા પૂર્ણ થયા બાકી રહેતા કામની સ્થિતિ શું છે કયારે પૂર્ણ થશે તે દર્શાવાના બદલે શહેરીજનોને ઉંઘા ચશ્મા પહેરવામાં આવ્યા છે. કારણ કે, આ બજેટમાં પ્રાથમિક સુવિધાના કામો પૈકી પાણી પુરવઠાના અંદાજે રૂ .૮૭ કરોડના કામ શરૂ કરવામાં આવ્યા છે. જે અન્વયે  હાલ સુધીમાં રૂ,૬૨ કરોડનો ખર્ચ થયો છે. જેમાં મુખ્યત્વે નવા ભળેલા વિસ્તારોમાં ૩૦ કીમી ડીઆઇ પાઇપલાઇન અને વાલ્વ જોઇન્ટ રીપ્લેસમેન્ટનું કામ, રાઇઝીંગ મેઇન પાઇપલાઇનનું કામ, નવા ભળેલા વિસ્તારો માટે નાઘેડી ખાતે ૩૦ એમએલડી ફીલ્ટર પ્લાન્ટ, ઇએસઆર, સમ્પ, પમ્પીંગ મશીનરી તથા ૬ કીમી મુખ્ય પાઇપલાઇનના  કામનો સમાવેશ થાય છે અને આ તમામ કામો આયોજન અનુસાર પૂર્ણ કરવા મનપા કટીબઘ્ધ હોવાના દાવા કરી રીતસર વીંટલો વાળી દેવામાં આવ્યો છે.


આથી નવા ભળેલ વિસ્તારોમાં ૫૦૦૦૦ જેટલી વસતીને શુઘ્ધ પાણી વિતરણ કયારે થશે તે દાવા સામે સવાલો ઉભા થયા છે. નવાઇની વાત તો એ છે કે, તાજેતરમાં રાજયના મુખ્યમંત્રીને પેન્ડીંગ કામો પૂર્ણ કરવા તાકીદ કરવાની ફરજ પડી છે. આમ છતાં જામ્યુકોના બજેટમાં કામોનું પુનરાવર્તન અને હવાઇકીલ્લા સમાન આયોજન, કામો પ્રગતિમાં છે, ગ્રાન્ટ મળ્યે કામો શરૂ કરાશે તેમ દર્શાવામાં આવતા મનાપાના સતાધીશો અને અધિકારીઓની કાર્યપ્રણાલી સામે શંકા અને અનેક સવાલો ઉઠ્યા છે. 

ડ્રીકીંગ વોટરના આ કામના દાવા, કયારે શરૂ થશે અને કેટલા સમયમાં પૂર્ણ થશે તેનો કોઇ ઉલ્લેખ નહીં

--ડીઝાઇન એન્ડ ક્ધસ્ટ્રકશન ઓફ ઇન્ટેક વોલ એટ ઉંડ-૧ ડેમ વીથ પમ્પીંગ મશીનરી, ઇલેકટ્રો મીકેનીકલનું કામ રૂ.૧૦.૯૧ કરોડ
--પ્રોવાઇડીંગ, સપ્લાયીંગ, લેઇંગ એન્ડ કમીશનીંગ ઓફ ૩૦૦ એમ.એમ.ડાયા ૧૩.૬૦ કીમી અને ૪૫૦ એમ.એમ. ડાયા ૩.૨૭ કીમી ડીઆઇ પાઇપલાઇન ખીજડીયા ફીલ્ટર પ્લાન્ટથી સ્મશાન ચોકડી સુધી તેમજ ખીજડીયા ફીલ્ટર પ્લાન્ટથી ઠેબા ચોકડી રૂ.૩૯.૮૧ કરોડ.
--પ્રોવાઇડીંગ, સપ્લાયીંગ, લેઇંગ એન્ડ કમીશનીંગ ઓફ ૭૦૦ એમ.એમ.ડાયા ૧૮ કીમી ડીઆઇ મેઇન પાઇપલાઇન સસોઇ ડેમથી દરેડ જીઆઇડીસી રૂ.૩૬ કરોડ.
--પ્રોવાઇડીંગ, સપ્લાયીંગ, લેઇંગ મેઇન પાઇપ લાઇન એન્ડ ડીઆઇ પાઇપ લાઇન ડીસ્ટ્રીબ્યુશન નેટવર્ક ઇન ડીફરન્ટ રીમેઇનીંગ એરીયા ઓફ સીટી એન્ડ ન્યુ ડેવલપ એરીયા ડીસ્ટ્રીબ્યુશન નેટવર્ક રૂ.૨૫ કરોડ.
--જુદા-જુદા હેડવર્કસ, ફીલ્ટર પ્લાન્ટ તથા ઇએસઆર ખાતે જરૂરિયાત મુજબ પમ્પીંગ મશીનરી તથા પેનલ તેજમ ઇલેકટ્રીકલ વર્કસ રૂ.૫ કરોડ.
--ડીઝાઇન એન્ડ ક્ધસ્ટ્રકશન ઓફ ૨૫ એમએલડી વોટર ટ્રીટમેન્ટ પ્લાન્ટ, સમ્પ,ઇએસઆર,પમ્પ હાઉસ, રાઇઝીંગ મેઇન પાઇપલાઇન, પમ્પીંગ મશીનરી તેમજ ઇલેકટ્રો મીકેનીકલ કામ કર્મચારી નગર સ્ટેટ હાઇ-વે એરીયા રૂ.૨૫ કરોડ.​​​​​​​


અગાઉના પાણી પુરવઠાના કામોમાં ગોકળગાયની ગતિ,નવા રૂ૧૪૦ કરોડના કામના આયોજનના દીવાસ્વપ્નો...

જામ્યુકોના અગાઉના બજેટમાં દર્શાવેલા પાણી પુરવઠાના કામો ગોકળગાયની ગતિએ થઇ રહ્યાની સ્થિતિ ખુદ મનપાએ ચાલુ વર્ષના બજેટમાં દર્શાવેલા કામ પરથી પ્રર્વતી રહી છે. ત્યારે ચાલુ વર્ષના ડ્રાફટ બજેટમાં આગામી સમયમાં દૈનીક પાણી વિતરણ વ્યવસ્થાને મજબૂતીથી જાળવી રાખવા માટે કુલ રૂ .૧૪૦ કરોડના કામના આયોજનના દીવાસ્વપ્નો બતાવાયા છે. આટલું જ નહીં આ કામના ડીટેલઇ પ્રોજેકટ રીપોર્ટ બનાવવા માટે હાલે ક્ધસલટન્ટની નિમણૂંક કરવામાં આવી છે. આથી ક્ધસલટન્ટ ખર્ચ લટકામાં. આટલું જ નહીં આ કામ ડીપીઆરની કામગીરી થયા બાદ રાજય સરકારની ગ્રાન્ટ મેળવી ટેન્ડર કાર્યવાહી કરવાનું આયોજન છે તેમ દર્શાવાયું છે. ત્યારે કયારે ગ્રાન્ટ આવે અને ટેન્ડર બહાર પડે અને કામ શરૂ થાય તે ભગવાન જાણે તેવી સ્થિતિ સર્જાઇ છે.