ભાજપ અને કોંગ્રેસના મોટાભાગના આગેવાનો અને કાર્યકરો એ સવારે ૭:૦૦ થી ૯:૦૦ વાગ્યાના પ્રથમ બે કલાકમાં જ મતદાનની પ્રક્રિયા પૂરી કરી હતી. ભાજપ અને કોંગ્રેસના કયા આગેવાન કેટલા વાગે કયા મતદાન મથક પર મત દેવા જવાના છે તેનો શેડુલ બંને રાજકીય પક્ષો એ અગાઉથી જ મીડિયા ને પહોંચાડી દીધો હતો. મતદાન કર્યા પછી આગેવાનોએ પોતાના ફોટા સોશિયલ મીડિયામાં પણ વાયરલ કર્યા હતા.
ભાજપના આગેવાનોમાં જોઈએ તો વજુભાઈ વાળાએ હરિહર કોમ્યુનિટી હોલમાં, વિજયભાઈ અને અંજલિબેન પાણીએ અનિલ જ્ઞાન મંદિરમાં, રામભાઈ મોકરીયાએ વીરબાઈ માં મહિલા કોલેજમાં, ભરતભાઈ બોઘરા એ આત્મીય કોલેજમાં, મુકેશભાઈ દોશી એ માતૃ મંદિર સ્કૂલમાં, ભાનુબેન બાબરીયાએ સાધુ વાસવાણી સ્કૂલમાં, ઉદયભાઇ કાનગડે નવયુગ સ્કૂલમાં, દર્શિતાબેન શાહે ફોરેસ્ટ સેન્ટરમાં, રમેશભાઈ ટીલાળાએ આત્મીય કોલેજમાં, રાજુભાઈ ધ્રુવે ધર્મેન્દ્ર કોલેજમાં, અશ્વિનભાઈ મોલીયાએ રણછોડ નગર શેરી નંબર ૧૫માં, ડોકટર માધવ દવે એ બાલકુંજ હોબી સેન્ટરમાં, વિરેન્દ્રસિંહ ઝાલાએ શ્રમજીવી સોસાયટીમાં, કમલેશભાઈ મીરાણીએ રવીન્દ્રનાથ ટાગોર પ્રાથમિક શાળામાં ધનસુખભાઈ ભંડેરી એ માતૃ મંદિર સ્કૂલમાં, માંધાતાસિંહ જાડેજાએ પોતાની ઓફિસ પાસે આવેલા બુથમાં, વિક્રમભાઈ પુજારાએ ધોળકિયા સ્કૂલમાં , જૈમીનભાઇ ઠાકોરે નેસ્ટ પ્રાઇમરી સ્કૂલમાં અને નરેન્દ્ર સિંહ જાડેજાએ ઘંટેશ્વર પ્રાથમિક શાળામાં મતદાન કયુ હતું. કોંગ્રેસના આગેવાનોએ કરેલા મતદાનની વિગત જોઈએ તો ઈન્દ્રનીલ રાયગુ એ યુનિવર્સિટી રોડ પર આવેલ એસએનકે સ્કૂલમાં, અતુલભાઇ રાજાણીએ ચૌધરી હાઇસ્કુલ કેમ્પસમાં કુંડલીયા કોલેજમાં, હેમાંગભાઈ વસાવડાએ કાંતા વિકાસ ગૃહમાં જશવંતસિંહ ભટ્ટી એ કોટેચા સ્કૂલમાં, હિતેશભાઇ વોરાએ શાપરની પ્રાથમિક શાળામાં, મહેશભાઈ રાજપૂતે બ્રહ્મ સમાજ નજીક જ્ઞાનમંદિરમાં, ગાયત્રીબા અને અશોકસિંહ વાઘેલાએ પરિમલ સ્કૂલમાં, વશરામભાઈ સાગઠીયા એ થોરાળા ની સ્કૂલમાં, ભાનુબેન સોરાણીએ ચુનારાવાડમાં આવેલી આંગણવાડીમાં મતદાન કયુ હતું.