દક્ષિણ પશ્ચિમ આઇસલેન્ડમાં રવિવારે જ્વાળામુખી ફાટ્યો હતો. જ્વાળામુખીનો પીગળેલો લાવા બપોર સુધીમાં નાના માછીમારીના શહેરની બહાર પહોંચી ગયો હતો અને કેટલાક ઘરોને બાળી નાખ્યા હતા. જો કે, શહેરને પહેલાથી જ ખાલી કરાવવામાં આવ્યું હતું અને તેના કારણે કોઈ વ્યક્તિને કોઈ ખતરો નહોતો. અધિકારીઓએ આ અંગે માહિતી આપી હતી.

દૈનિક મોર્ગેનબ્લાડેટ દ્વારા પ્રકાશિત લાઇવ વિડિયોમાં પીગળેલા ખડકોના ફુવારાઓ અને ગ્રિંડાવિક નગર સુધી વિસ્તરેલા વિશાળ વિસ્તારમાં જમીનમાં તિરાડોમાંથી ધુમાડો નીકળતો જોવા મળ્યો હતો. ગ્રિંડાવિક નગર વિશે જણાવવામાં આવી રહ્યું છે કે ત્યાં એક મકાનમાં આગ લાગી હતી.

જ્વાળામુખીના કારણે કોઈને નથી ખતરો

આઇસલેન્ડના પ્રેસિડેન્ટ ગુડની જોહાન્સને સોશિયલ મીડિયા સાઇટ X પર જણાવ્યું હતું કે, આ જ્વાળામુખીને કારણે કોઈનો જીવ જોખમમાં નથી. જોકે ઈન્ફ્રાસ્ટ્રક્ચર જોખમમાં હોઈ શકે છે. તેમણે કહ્યું કે ફ્લાઈટ્સમાં કોઈ વિક્ષેપ પડ્યો નથી.