શ્રદ્ધા કપૂરની આગામી ફિલ્મ 'સ્ત્રી 2'નું ટ્રેલર રિલીઝ થઈ ગયું છે. ફિલ્મમાં શ્રદ્ધા સાથે રાજકુમાર રાવ, પંકજ ત્રિપાઠી, અપારશક્તિ ખુરાના જેવા સ્ટાર્સ જોવા મળશે. ટ્રેલર મનોરંજક છે. લોકોને હસાવવા માટે તેમાં પંચ લાઈન પણ છે, સાથે સાથે કેટલાક ભયાનક દ્રશ્યો પણ છે.જો કે આ ફિલ્મ ની ખાસ બાબત એ છે કે આ ફિલ્મના ટ્રેલરમાં આમિર અને અમિતાભની વર્ચ્યુઅલ એન્ટ્રી કરવામાં આવી છે મતલબ કે બન્નેના નામ જોવા મળી રહ્યા છે.
વર્ષ 2018માં નિર્દેશક અમર કૌશિક ‘સ્ત્રી’ નામની ફિલ્મ લઈને આવ્યા હતા. ફિલ્મમાં શ્રદ્ધા કપૂર, રાજકુમાર રાવ, પંકજ ત્રિપાઠી જેવા સ્ટાર્સ જોવા મળ્યા હતા. જે ફિલ્મે ફેન્સના દિલ ખુશ કરી દીધા હતા. તે બાદથી જ લોકોને તે ફિલ્મ પસંદ આવી કે લોકો તેની સિક્વલની રાહ જોવા લાગ્યા. ત્યારે હવે સ્ત્રીની સિક્વલ પણ રિલીઝ માટે તૈયાર છે. આ પહેલા મેકર્સે ‘સ્ત્રી 2’નું ટ્રેલર રિલીઝ કર્યું છે.


સ્ત્રી 2નું ટ્રેલર રિલીઝ
ફિલ્મનું ટ્રેલર રિલીઝ કરવામાં આવ્યું છે. ટ્રેલર લોન્ચ માટે મુંબઈમાં એક ઈવેન્ટનું આયોજન કરવામાં આવ્યું હતું. ટ્રેલરની શરૂઆત પંકજ ત્રિપાઠીના વોઈસ ઓવરથી થાય છે. તે કહે છે, “સ્ત્રી ગઈ છે અને ચંદેરી પુરાણમાં સ્પષ્ટ લખેલું છે કે સ્ત્રી જશે કે તરત તે આવી જશે.” પછી રાજકુમાર રાવ પૂછે છે કે કોણ આવશે. જવાબ એ છે કે જેણે સ્ત્રીને બનાવી છે તે જ આવશે. પછી માથાના આતંક સાથે એક ભયાનક દ્રશ્ય દેખાય છે. પછી બધા કલાકારો એક પછી એક દાખલ થાય છે.


ટ્રેલર જોઈ આવી કાર્તિક આર્યનની યાદ
આ ટ્રેલરમાં કેટલીક એવી પંચલાઈન્સ છે, જે તમારા ચહેરા પર સ્મિત લાવશે. ઉદાહરણ તરીકે, જ્યારે રાજકુમાર રાવ પૂછે છે કે અમે “સિરકટે” (કાપેલા માંથા) વિશે શું જાણીએ છીએ, ત્યારે એક વ્યક્તિ જવાબ આપે છે કે સિરકટેનું શિરચ્છેદ કરવામાં આવ્યું છે. ભવિષ્યમાં તમને આવા બીજા ઘણા દ્રશ્યો જોવા મળશે. 2 મિનિટ 54 સેકન્ડના આ ટ્રેલરમાં 53 સેકન્ડનો રાજકુમાર રાવનો એક નાનકડો મોનોલોગ છે, જેને જોઈને એક ક્ષણ માટે ‘પ્યાર કા પંચનામા’ના કાર્તિક આર્યનની યાદ આવી જશે,


ટ્રેલરમાં અમિતાભ અને આમિર !
આ ટ્રેલરમાં અમિતાભ બચ્ચન અને આમિર ખાન પણ છે. મતલબ, તેઓ વિઝ્યુઅલી નથી, પણ બન્નેનો ઉલ્લેખ છે. ગામમાં સરકટેનો આતંક છે. ગામના લોકો તેને ભગાડવાની જવાબદારી રાજકુમાર રાવને આપે છે. ત્યારે રાજકુમાર કહે, “ભાભી તમે ગાંજો ખાઈને આવ્યા છો. જાણો કે તે કેટલો મોટો છે. જો તમે આમિર ખાનને બચ્ચન પર બેસાડો તો પણ તે તેની કમર સુધી મર્યાદિત રહેશે. જો કે, ‘સ્ત્રી’નો પહેલો ભાગ બ્લોકબસ્ટર સાબિત થયો હતો, હવે જોવાનું એ રહેશે કે બીજો ભાગ કેટલો આકર્ષક હશે. ‘સ્ત્રી 2’ 15 ઓગસ્ટે રિલીઝ થવાની છે.