ભારતીય કેપ્ટન વિરાટ કોહલીએ ખુલાસો કર્યો હતો કે તે 2014માં ઇંગ્લેન્ડના નબળા પ્રવાસ દરમિયાન ડિપ્રેશનનો સંઘર્ષ કરી રહ્યો હતો અને સતત નિષ્ફળતાઓ બાદ પણ તેમને લાગ્યું કે તે દુનિયામાં એકલો માણસ છે. ઇંગ્લેન્ડના પૂર્વ ખેલાડી માર્ક નિકોલ્સ સાથેની વાતચીતમાં કોહલીએ સ્વીકાર્યું કે તે  પ્રવાસ દરમિયાન તે તેની કારકિર્દીના મુશ્કેલ સમયમાંથી પસાર થયો હતો. જ્યારે કોહલીને પૂછવામાં આવ્યું કે શું તે ક્યારેય ડિપ્રેશનમાં રહ્યો છે, તો તેણે તે સ્વીકારી લીધું. તેણે કહ્યું, 'હા, તે મારી સાથે થયું. એ વિચારીને સારું  નહોતું લાગતું કે હું રણ બનાવી શક્યો નહી.બધા બેટ્સમેનોને એવું લાગે છે કે કોઈ પણ બાબતમાં તમારું સંપૂર્ણ નિયંત્રણ નથી.'

કોહલીનો 2014નો ઇંગ્લેંડ પ્રવાસ નિરાશાજનક હતો કારણ કે તેણે 13.50ની સરેરાશથી પાંચ ટેસ્ટની 10 ઇનિંગ્સમાં રન બનાવ્યા હતા.તેનો સ્કોર 1, 8, 25, 0, 39, 28, 0,7, 6 અને 20 રન હતો.આ પછી, ઓસ્ટ્રેલિયા રાઉન્ડમાં તેણે 692 રન બનાવીને શાનદાર વાપસી કરી.

એકલતા અનુભવતો હતો વિરાટ કોહલી
તેમણે ઇંગ્લેન્ડ પ્રવાસ વિશે કહ્યું, 'તમે તેને કેવી રીતે દૂર કરવું તે તમે નથી જાણતા. તે સમયગાળો હતો જ્યારે હું વસ્તુઓ બદલવા માટે કંઇ કરી શકતો નહોતો. મને લાગ્યું કે હું દુનિયાની એકલી વ્યક્તિ છું. કોહલીએ યાદ કર્યું કે તેમના જીવનમાં તેમને ટેકો આપવા માટે ઘણા લોકો હતા પરંતુ તે હજી પણ એકલતા અનુભવતો હતો.તેણે કહ્યું હતું કે ત્યારબાદ તેમને વ્યાવસાયિક મદદની જરૂર છે. તેમણે કહ્યું, 'તે મારા માટે વ્યક્તિગત રીતે એક નવો ઘટસ્ફોટ હતો કે મોટા જૂથનો ભાગ હોવા છતાં તમે એકલતા અનુભવો છો. હું એમ નહીં કહીશ કે વાત કરવા માટે કોઈ નથી પણ વાત કરવા માટે કોઈ વ્યાવસાયિક નથી. હું કયા તબક્કામાં છું તે કોણ સમજી શકે છે.  તે ખૂબ જ મોટું પરિબળ છે. હું તેને બદલતા જોવા માંગુ છું. '