હાલમાં જેતપુરના ચારણીયા ગામે રહેતી કોમલ(ઉ.વ ૨૮) નામની પરિણીતાએ જેતપુર તાલુકા પોલીસ મથકમાં નોંધાવેલી ફરિયાદમાં આરોપી તરીકે ગોંડલના ડૈયા ગામે રહેતા પતિ પૃથ્વી ચંદુભાઇ રાઠોડ, સસરા ચંદુભાઇ,સાસુ ઉર્મીલાબેન, નણંદ કૃતીના નામ આપ્યા છે.પરિણીતાએ ફરિયાદમાં જણાવ્યું હતું કે તેના લગ્ન ત્રણ વર્ષ પૂર્વે ગોંડલના ડૈયા ગામના પૃથ્વી સાથે થયા હતાં.જે લગ્નજીવન થકી સંતાનમાં બે વર્ષનો પુત્ર હેતરાજ છે.

લગ્નના થોડા મહિના સારી રીતે રાખ્યા બાદ પતિ સહિતના સાસરીયા નાની વાતે તથા ઘરકામ બાબતે બોલાચાલી કરી ઝઘડો કરતા હતાં.પરિણીતાને માવતરેથી દહેજ લાવવા માટે દબાણ કરતા હતાં.નાની મોટી બાબતે હેરાન પરેશાન કરી ઢીકાપાટુનો માર મરતા હતાં. સીમંત પ્રસંગે પરિણીતાને માવતર તેડી ગયા બાદ સાસારીયાઓ તેને લેવા જ આવ્યા ન હતાં.આ બાબતે તેમણે સાત મહિના પૂર્વે ગોંડલ મહિલા પોલીસ સ્ટેશનમાં અરજી કરી હતી.જેમાં સાસરીયાવાળા હાજર રહ્યા ન હતાં.બાદમાં સમાધાનની વાત થઇ હતી.પરંતુ આજદિન સુધી સાસરીયાઓ તેડવા ન આવતા અંતે પરિણીતાએ પતિ સહિતના સાસરીયા વિરૂધ્ધ જેતપુર તાલુકા પોલીસ મથકમાં આ ફરિયાદ નોંધાવી છે.જે ફરિયાદના આધારે પોલીસે પરિણીતાના પતિ સહિતના સાસારીયા સામે ગુનો નોંધી તેની ઘરપકડ કરવા તજવીજ હાથ ધરી છે.