આમ આદમી પાર્ટીના રાજ્યસભા સાંસદ સ્વાતિ માલીવાલ સાથે દુષ્કર્મ કેસમાં જેલમાં બંધ વિભવ કુમારને સુપ્રીમ કોર્ટમાંથી જામીન મળી ગયા છે. સુપ્રીમ કોર્ટે વિભવને કેટલીક શરતો સાથે જામીન આપ્યા છે. કોર્ટે કહ્યું કે આ કેસમાં તપાસ પૂર્ણ થઈ ગઈ છે અને ચાર્જશીટ દાખલ કરવામાં આવી છે.

સુપ્રીમ કોર્ટે વિભવ કુમારને જામીન આપતા સમયે ટિપ્પણી પણ કરી હતી. કોર્ટે કહ્યું કે જ્યારે ઈજાઓ નજીવી હોય તો કોઈ વ્યક્તિને 100 દિવસથી વધુ જેલમાં ન રાખી શકો. અહીં બંનેને સંતુલિત કરવા પડશે  નહીં કે જામીનનો વિરોધ કરવો.

વિભવ કુમાર દ્વારા દાખલ કરવામાં આવેલી જામીન અરજી પર સુનાવણી કરતી વખતે સુપ્રીમ કોર્ટે કહ્યું કે આ કેસમાં અરજદાર 100 દિવસથી વધુ સમયથી જેલમાં છે. આ કેસમાં 51થી વધુ સાક્ષીઓ છે. ત્યારે સુનાવણીમાં વધુ સમય લાગે તેવી શક્યતા છે.