પોરબંદરમાં બાળદિવસની વિવિધ સેવા કાર્યો દ્વારા ઉજવણી કરવામાં આવી હતી.
બાળક એ ઈશ્ર્વરનું સુક્ષ્મ સ્વ‚પ છે,તે હૃદયની ભાષા સમજે છે,લાગણી અને પ્રેમથી થયેલા ઉછેરથી  તેં સંવેદક માનવ બને છે,આ માનવ કુટુંબ ,સમાજ અને રાષ્ટ્ર ને સુખી અને સમૃદ્ધ કરે છે, તેમ જણાવીને બાળકની મહત્વતા સમજાવવામાં આવી હતી૧૪ નવેમ્બર એટલે બાળ દિવસ નિમિત્તે પોરબંદર સરકારી લેડી હોસ્પિટલમાં નવજાત શિશુઓની માતાઓને નાળિયેર પાણી શુદ્ધ દેશી ઘી નો શીરો દૂધની થેલી તેમજ ગરમ ગરમ ખીચડી વગેરેનું વિતરણ કરવામાં આવ્યું, એટલું જ નહીં જિલ્લા કાનૂની સેવા સત્તા મંડળના માધ્યમથી વ્હાલી દીકરી યોજના સુક્ધયા સમૃદ્ધિ યોજના વગેરે સરકારી યોજનાઓ વિશે માહિતી આપવામાં આવી સાથે સાથે જરૂરિયાત મંદ વિસ્તારના બાળકોને ભોજન આપવામાં આવ્યું સાથે સાથે ૧૮૧હેલ્પલાઇન તેમજ નિમિષાબેન જોશી દ્વારા ગુડ ટચ બે ટચ વ્યસન ન કરવા વિશે વિસ્તૃત માહિતી આપી બાળ દિવસની ઉજવણી કરવામાં આવી, ૧૮૧ હેલ્પલાઇન ના કાઉન્સિલર નિરૂપાબેન બાબરીયા તેમજ પોલીસ કોન્સ્ટેબલ સેજલબેન પંપાળિયા પણ આ તકે ખાસ ઉપસ્થિત રહ્યા હતા અને વિસ્તૃત માહિતી પૂરી પાડી હતી