આગામી તારીખ ૭ મે ના રોજ યોજનારી લોકસભાની ચૂંટણીના અનુસંધાને તારીખ ૭ ના રોજ મતદાનના દિવસે કારખાનાઓ ફેકટરીઓમાં અને શોપ એકટ અંતર્ગત રજા જાહેર કરવામાં આવી છે. પરંતુ ચૂંટણીના અનુસંધાને આગામી તારીખ ૬ અને ૮ ના રોજ રાયભરની ૨૧૦ જેટલી સબ રજિસ્ટ્રાર કચેરીઓ પણ બધં રાખવામાં આવશે.

મળતી માહિતી મુજબ આ ૨૧૦ સબ રજીસ્ટાર કચેરીઓના મોટાભાગના સ્ટાફને ચૂંટણી ફરજ સોંપવામાં આવી હોવાથી મતદાનના આગલા દિવસે એટલે કે તારીખ ૬ ના રોજ અને મતદાનના દિવસે તારીખ ૭ ના રોજ ચૂંટણી ફરજના ઓર્ડર કરવામાં આવ્યા છે.અપૂરતા સ્ટાફના કારણે નોંધણી કામગીરી માટે સામાન્ય નાગરિકોને હાલાકી ભોગવવી ન પડે અને તેમની કામગીરી સારી રીતે પૂરી થાય તે માટે તારીખ ૬ અને ૮ ના રોજ આવી ૨૧૦ સબ રજીસ્ટાર કચેરીઓમાં નોંધણીની પ્રક્રિયા બધં રાખવાનો નિર્ણય કરાયો છે.

રજીસ્ટાર કચેરીના સત્તાવાર સાધનોના જણાવ્યા મુજબ જે ૨૧૦ સબ રજીસ્ટાર કચેરીઓ બધં રહેવાની છે તેમની સત્તાવાર જાહેરાત કરી દેવાય છે. તારીખ ૬ અને ૮ મેના રોજ જેમણે એપોઇન્ટમેન્ટ લીધી હોય તેમના ટોકન અનબ્લોક કરવામાં આવ્યા છે જેથી પક્ષકારો પોતાની અનુકૂળતા મુજબ નવેસરથી એપોઇન્ટમેન્ટ લઈને દસ્તાવેજની નોંધણી કરાવી શકશે.
રાજકોટ જિલ્લામાં જામ કંડોરણા પડધરી વીંછીયા જસદણ અને જેતપુર ખાતે આવેલી સબ રજિસ્ટ્રાર કચેરીઓ તારીખ ૬ અને ૮ ના બધં રહેશે તેવી જાહેરાત કરવામાં આવી છે. આ ઉપરાંત અમદાવાદ અમરેલી આણદં બનાસકાંઠા ભચ ભાવનગર બોટાદ છોટા ઉદેપુર દાહોદ ડાંગ દ્રારકા ગાંધીનગર જામનગર જુનાગઢ કચ્છ ખેડા મહીસાગર મોરબી નર્મદા પંચમહાલ પાટણ પોરબંદર સાબરકાંઠા, સુરત સુરેન્દ્રનગર તાપી અને વલસાડ જિલ્લાની જે કચેરીમાં મોટાભાગનો સ્ટાફ ચૂંટણી કામગીરીમાં રોકાયો છે તેનો સમાવેશ કરાયો છે