રેલ પ્રશાસન દ્વારા બોટાદ-સાબરમતી રેલ ખંડની જનતાને પાટા પર સ્થાપિત હાઇ વોલ્ટેજ વીજ વાયરોથી સાવચેત રહેવાની અપીલ કરવામાં આવી હતી. ભાવનગર ડીવીઝનના તમામ રેલ ખંડોમાં રેલવે લાઈનો પર ૨૫૦૦૦ વોલ્ટના ઓવરહેડ વાયરો લગાવવામાં આવેલ છે તે અંગે લોકોને સાવધાન કરવામાં આવે આવ્યા હતા. હાલમાં બોટાદ-સાબરમતી રેલ ખંડના વિદ્યુતીકરણની કામગીરી ચાલી રહી છે. 
આ સેક્શનમાં પરીક્ષણ પ્રક્રિયા ચાલી રહી છે. આ રેલ ખંડમાં વીજ પુરવઠો  શરૂ કરવામાં આવ્યો છે. ભાવનગર ડિવિઝનના તમામ રેલ ખંડોમાં રેલવે લાઇન પર ૨૫૦૦૦ વોલ્ટના ઓવરહેડ વાયરો લગાવવામાં આવ્યા છે, જે નજીક આવતા જીવલેણ બની શકે છે. ભાવનગર ડિવિઝનના ડિવિઝનલ રેલવે મેનેજર  રવીશ કુમારે દરેકને રેલવે પાટા  નજીક આવવાનું ટાળવા અને રેલવેના હાઈ વોલ્ટેજ ટ્રેક્શન વાયરથી પોતાને અને પશુઓને દૂર રાખવા જણાવાયું  છે.