જામનગર શહેરની જી.જી. હોસ્પિટલમાં માનસિક વિભાગમાં આવેલા એક દર્દીએ માનસિક સંતુલન ખોઈ દેતા ખુરશીઓના ઘા કરી હાજર લોકોને ઢીકાપાટુનો માર મારતા નાસભાગ મચી જવા પામી હતી. સિક્યુરિટીએ મહામહેનતે આ શખસને પકડી ટીંગાટોળી કરી બહાર લઈ જવામાં આવ્યો હતો.
જામનગરની જી.જી. હોસ્પિટલમાં માનસિક વિભાગની ઓફિસમાં ગઇ સાંજે દવા લેવા આવેલા શખસે અચાનક જ મગજનો પારો ગુમાવી દેતા ત્યાં પડેલી ખુરશીઓ લઈ માણસોને મારવા દોડ્યો હતો અને ઢીકાપાટુનો માર મારી રીતસરનો આતંક મચાવ્યો હતો. ઘટનાની જાણ થતાં સિક્યુરિટી દોડી આવી હતી અને મહામહેનતે આ શખસને પકડી ટીંગાટોળી કરી બહાર લઈ જવામાં આવ્યો હતો અને શાંત પાડવામાં આવ્યો હતો. આ શખસે ખુરશીઓ સહિતની વસ્તુઓ ઉલાળી દેતા હોસ્પિટલમાં થોડા સમય માટે અફડાતફડીનો માહોલ ફેલાઈ ગયો હતો.