મધ્ય પૂર્વમાં ચાલી રહેલા તણાવ વચ્ચે, ભારતમાં તેલ સંકટનો ભય મંડરાઈ રહ્યો છે. દરમિયાન, અમેરિકાએ ભારત અંગે એક મહત્વપૂર્ણ નિર્ણય લીધો છે. અમેરિકાએ ભારતને રશિયન તેલ ખરીદવા માટે ૩૦ દિવસની કામચલાઉ છૂટ આપી છે.જોવાની ખૂબી છે કે એ જ યુએસ ટ્રેઝરી ડિપાર્ટમેન્ટ જે ભારત પર રશિયન તેલ આયાત ઘટાડવા માટે દબાણ કરી રહ્યું હતું તેણે હવે ભારતીય રિફાઇનરીઓને રશિયન તેલ ખરીદવાની મંજૂરી આપી છે. આનાથી દરિયામાં ફસાયેલા રશિયન ટેન્કરોને રાહત મળશે, જેઓ ખરીદદારો શોધી શકયા નથી. સમાચાર એજન્સી અનુસાર, રશિયન તેલ ટેન્કરો દરિયામાં ફસાયા હતા કારણ કે નવા યુએસ પ્રતિબંધો અને ચુકવણી અને વીમા અંગેની અનિશ્ચિતતાને કારણે તેમનું તેલ તાત્કાલિક ઉતારવામાં આવી રહ્યું ન હતું. 

ભારતને ૩૦ દિવસ

યુએસએ રશિયન તેલ ટેન્કરો પર કડક પ્રતિબંધો લાધા હતા, જેના કારણે ઘણા જહાજો માટે વીમા, ચુકવણી અને બંદર પ્રવેશ અંગે પ્રશ્નો ઉભા થયા હતા. આ સમય દરમિયાન, ભારતીય તેલ રિફાઇનરો પણ રાહ જોવા લાગ્યા, તેમને ડર હતો કે રશિયા પાસેથી તેલ ખરીદવું નિયમોની વિદ્ધ હશે. તેથી, જહાજોને દરિયામાં રોકી રાખવામાં આવ્યા હતા. હવે, યુએસ દ્રારા આપવામાં આવેલી મુકિત સાથે, એવી પ્રબળ સંભાવના છે કે આ તેલ ટેન્કરો ખરીદદારો શોધી લેશે. જો કે એક બાબત એ પણ સામે આવી છે કે આનાથી રશિયન તેલ વેચનારાઓને ખાસ ફાયદો એટલા માટે નહી થાય કે તેમને નવો કોઈ ઓર્ડર નહી મળે, જેટલા જહાજ સમુદ્રમાં ફસાયેલા છે તે ગંતવ્ય સ્થાને જશે અથવા તો ખરીદદારો મળી જશે.