બહેરીન, ઓમાન, કતાર અને સાઉદી અરેબિયામાં ભારે વરસાદને કારણે રસ્તાઓ પાણીમાં ડૂબી ગયા છે. આ માટે ક્લાઉડ સીડિંગને પણ કારણ દર્શાવવામાં આવ્યું હતું. જો કે હવામાન વિભાગે આ અંગે કોઈ સત્તાવાર માહિતી આપી નથી. દુબઈમાં મંગળવાર રાત સુધીના 24 કલાકમાં 5.59 ઈંચ વરસાદ નોંધાયો છે. અહીં એક વર્ષમાં સરેરાશ 3.73 ઈંચ વરસાદ નોંધાય છે.

સંયુક્ત આરબ અમીરાત (UAE) ભારે વરસાદની અસરમાંથી બહાર આવવા માટે સંઘર્ષ કરી રહ્યું છે. જનજીવનને પાટા પર લાવવાના પ્રયાસો કરવામાં આવી રહ્યા છે. દેશના મુખ્ય એરપોર્ટને સામાન્ય રીતે ચલાવવાનું કામ ચાલી રહ્યું છે. જ્યારે મુખ્ય હાઈવે અને રસ્તાઓના મોટા ભાગના હજુ પણ પાણીમાં ડૂબી ગયા છે. આ ખાડી દેશમાં સોમવારથી મંગળવાર સુધી મુશળધાર વરસાદ પડ્યો હતો. પાણી ભરાઈ જવાને કારણે દુબઈ ઈન્ટરનેશનલ એરપોર્ટ પરથી ફ્લાઈટનું સંચાલન બંધ કરી દેવામાં આવ્યું હતું.

ફ્લાઈટ્સ સતત થઈ રહી છે રદ્દ

ગુરુવારે સવારે વૈશ્વિક એરલાઇન્સને દુબઇ ઇન્ટરનેશનલ એરપોર્ટના ટર્મિનલ 1 પરથી ફ્લાઇટ્સ ચલાવવાની પરવાનગી મળી, જે વિશ્વના સૌથી વ્યસ્ત એરપોર્ટ પૈકી એક છે. એરપોર્ટે ટ્વિટર પર લખ્યું છે કે ફ્લાઈટ્સ સતત વિલંબિત અને વિક્ષેપિત થઈ રહી છે. તેથી, જો તમારી પાસે કન્ફર્મ બુકિંગ હોય તો જ અમે તમને ટર્મિનલ-1 પર આવવા આગ્રહ કરીએ છીએ.

ઘરોમાં ફસાયેલા રહ્યા લોકો

એરપોર્ટે કહ્યું કે આગામી 24 કલાકમાં એરપોર્ટ સંપૂર્ણ રીતે કાર્યરત થઈ જશે. જ્યારે દુબઈ સહિત દેશના અન્ય ભાગોમાં હાઈવે અને રસ્તાઓ પરથી પાણી દૂર કરવાની કામગીરી કરવામાં આવી રહી છે. જેના કારણે વાહનવ્યવહારને અસર થઈ છે. ઘરોમાં પણ પાણી ભરાઈ ગયા છે, જેના કારણે લોકો ઘરોમાં ફસાઈ ગયા છે. રાહતની વાત એ છે કે જાનમાલનું બહુ નુકસાન થયું નથી.

UAE માં કેટલો ઇંચ પડ્યો વરસાદ ?

સોમવારથી શરૂ કરીને મંગળવારે બહેરીન, ઓમાન, કતાર અને સાઉદી અરેબિયામાં આખો દિવસ વરસાદ પડ્યો હતો, પરંતુ યુએઈમાં વરસાદ ભારે રહ્યો હતો. આ માટે 'ક્લાઉડ સીડિંગ' પણ એક કારણ દર્શાવવામાં આવ્યું હતું. જો કે હવામાન વિભાગે આ અંગે કોઈ સત્તાવાર માહિતી આપી નથી. દુબઈમાં મંગળવાર રાત સુધીના 24 કલાકમાં 5.59 ઈંચ વરસાદ નોંધાયો છે. અહીં એક વર્ષમાં સરેરાશ 3.73 ઈંચ વરસાદ નોંધાય છે. દેશના અન્ય ભાગોમાં પણ ભારે વરસાદ થયો હતો.

ભારતીયો માટે હેલ્પલાઈન જાહેર

UAEમાં ભારે વરસાદને કારણે ફસાયેલા ભારતીયો અને દેશના હવાઈ પ્રવાસીઓ માટે હેલ્પલાઈન નંબર જારી કરવામાં આવ્યા છે. આ નંબરો દુબઈમાં ભારતીય કોન્સ્યુલેટ દ્વારા જારી કરવામાં આવ્યા છે. ભારતીયો મોબાઇલ નંબરો +971501205172, +971569950590, +971507347676, +971585754213 પર સંપર્ક કરીને કોઈપણ પ્રકારની મદદ મેળવી શકે છે. દૂતાવાસે એ પણ માહિતી આપી હતી કે તેઓ ભારતીય મુસાફરોની મદદ માટે UAE સત્તાવાળાઓ અને એરલાઈન્સના સંપર્કમાં છે.