જમુઈ જિલ્લામાં એક ચોંકાવનારો કિસ્સો સામે આવ્યો છે. અહીં એકબીજાના પ્રેમમાં પાગલ બે મહિલાઓએ લગ્ન કરી લીધા. એકબીજાના પ્રેમમાં પાગલ બનેલી આ મહિલાઓએ સાથે જીવવા અને મરવાના સોગંદ લીધા અને ભાગી જવાનું પ્લાનિંગ શરૂ કર્યું.

પ્રાપ્ત માહિતી અનુસાર, બંનેની મુલાકાત સાત વર્ષ પહેલા રોંગ નંબર દ્વારા થઈ હતી. બંને છેલ્લા સાત વર્ષથી સતત ફોન પર વાત કરતા હતા.

બંને મહિલાઓ એક યુવતી અને બીજી યુવકની ભૂમિકા ભજવી રહી છે. યુવકનું પાત્ર ભજવનાર મહિલાની ઓળખ છપરા જિલ્લાના બાભનગાંવના રહેવાસી જગરનાથ પાંડેની પુત્રી સોની કુમારી તરીકે થઈ છે અને છોકરીની ભૂમિકા ભજવી રહેલી મહિલાની ઓળખ લાખાપુરના રહેવાસી ભગીરથ સિંહની પુત્રી કોમલ કુમારી તરીકે થઈ છે. જો કે આ બંને મહિલાઓ પરિણીત છે.

ફોન પર પ્રેમ ખીલ્યો

ફોન પર વાત કરતી વખતે તેમની વચ્ચે પ્રેમ ખીલ્યો અને બંનેએ સાથે જીવવા અને મરવાના સોગંદ લીધા. પરિણામે બંને મહિલાઓએ પરિવારથી છુપાવીને 2023 માં લગ્ન કર્યા. જો કે પરિવારના સભ્યોને ઘણા દિવસો બાદ તેની જાણ થઈ હતી. જ્યારે પરિવારના સભ્યોને તેમના લગ્નની જાણ થઈ તો તેઓએ કોમલ સાથે આ અંગે વાત ન કરવા દબાણ કર્યું. કેટલાક દિવસોથી કોમલ બહાર જઈને કામ કરવાની વાત કરતી હતી, પરંતુ કોલમને બહાર જવા દેવામાં મનાઈ કરવામાં આવી હતી. તેમ છતાં તેણીએ સોનીને છાપરાથી બોલાવી અને ભાગવાની તૈયારી કરવા લાગી. આખરે કોમલની બહેને 112 નંબર ડાયલ કરી પોલીસને જાણ કરી હતી. હાલ પોલીસ બંને મહિલાઓની પૂછપરછ કરી રહી છે.

લાખાપુર ગામની રહેવાસી કોમલ કુમારીના લગ્ન લખીસરાય જિલ્લાના ઈન્દુપુર ગામના રહેવાસી ગોપાલ કુમાર સિંહ સાથે સાત વર્ષ પહેલા થયા હતા. કોમલને એક પુત્ર અને એક પુત્રી છે. જ્યારે બાભણગાંવ, છપરાની રહેવાસી સોની કુમારીના લગ્ન પટનાના રહેવાસી પંકજ કુમાર સાથે 2020માં થયા હતા. સોનીને એક પુત્ર પણ છે. હાલમાં બંને યુવતીઓ એકબીજા સાથે લગ્ન કરવા પર અડગ છે અને સાથે જીવવા-મરવાની પ્રતિજ્ઞા લઈ રહી છે