૨૫ દિવસ પહેલા પોરબંદરને પીવાનું પાણી પૂરુ પાડતા ખંભાળા ડેમમાં ગેરકાયદેસર માચ્છીમારી કરી રહેલા શખ્શોને અટકાવવા ગયેલા વનવિભાગના કર્મચારી સાથે ઝપાઝપી કરી ત્યારબાદ આરોપીની વાડીએ તપાસમાં ગયેલા વનવિભાગના કર્મચારીઓની ફરજમાં ‚કાવટ કરવામાં આવી હતી જેમાં ચાર શખ્શો સામે પોલીસ ફરિયાદ દાખલ થઇ હતી તે પૈકીના બે ઇસમો નાશી ગયા હતા. જેને વનવિભાગે પકડીને કોર્ટમાં  રજુ કરતા જેલહવાલે કરવાનો હુકમ થતા બંનેને પોરબંદરની ખાસ જેલના સળીયા પાછળ ધકેલી દેવાયા છે.  
તા. ૪-૫ના થઇ હતી ફરિયાદ
તા. ૪-૫ના ફરિયાદ થઇ હતી. જેમાં મૂળ જામજોધપુરના ઇશ્ર્વરીયા ગામે તથા હાલ રાણાવાવની ફોરેસ્ટ કોલોનીમાં રહેતા અને રાણાવાવ રેન્જમાં આવેલી સાત વીરડા રાઉન્ડમાં ફોરેસ્ટર તરીકે ફરજ બજાવતા લખમણ ડાડુભાઇ બડીયાવદરા નામના ૩૬ વર્ષના યુવાને એવી પોલીસ ફરિયાદ નોંધાવી હતી કે તા. ૩-૫ના ફરિયાદી લખમણ તથા ફોરેસ્ટર અરસીભાઇ જગમાલભાઇ ભાટુ બંને જણા સરકારી બાઇકમાં રાણાવાવ વનવિભાગ હેઠળ આવતા સાત વીરડા વિસ્તારમાં પેટ્રોલીંગમાં હતા તે દરમ્યાન ખંભાળા ડેમના કાંઠે આવ્યા ત્યારે ડેમમા બોટ દ્વારા માચ્છીમારીની હરકત થતી દેખાતા તેઓ વોચમાં ઉભા રહી ગયા હતા અને સવારે સાડા પાંચેક વાગ્યે એ બોટ ડેમના કાંઠે આવતા ત્યાં જઇને તપાસ કરતા તેમાં ચાર ઇસમો હતા તે પૈકી બે નાસી ગયા હતા અને બેને પકડી લીધા હતા.તથા બોટની અંદર તપાસ કરતા ખંભાળા ડેમમાંથી તેમણે માચ્છીમારી કરી હોય તેવા માછલાના બાચકા મળ્યા હતા. આથી માછીમારી કરવા અંગે તેઓ પાસે પરવાનો માંગતા બે શખ્શો પૈકી એકનું નામ જિજ્ઞેશ ઉર્ફે જીગો નવઘણ મકવાણા અને બીજો સીકંદર રામવુક્ષ સહની હોવાનું જણાવ્યુ હતુ જેમાં જિજ્ઞેશ નવઘણ મકવાણાએ વનવિભાગના કર્મચારીઓ સાથે ઝપાઝપી કરી તેમને ધકકો મારી નાસી ગયો હતો.  ત્યારબાદ ફરીયાદીએ કાયદેસરની કાર્યવાહી કરી રાણાવાવ વનવિભાગની કચેરીમાં જિજ્ઞેશ ઉર્ફે જીગો નવઘણ મકવાણા, સીકંદર રામવુક્ષ સહની, અશરફશાહ ફિરોઝશાહ રફાઇ અને ચોથા અજાણ્યા માણસ વિ‚ધ્ધ વન્ય પ્રાણી સંરક્ષણ અધિનિયમની જુદી જુદી કલમ હેઠળ ગુન્હો નોંધવામાં આવ્યો હતો અને કાયદેસરની કાર્યવાહી કરવામાં આવી હતી.
ત્યારબાદ રેન્જ ફોરેસ્ટના અન્ય સ્ટાફ રાજુભાઇ બચુભાઇ કારેણા, દેવાભાઇ બી. ઓડેદરા, રેખાબેન વી. રાતીયા, એસ.એસ.માળીયા પી.જે. માળીયાને બોલાવીને તમામ સ્ટાફ સાથે ખંભાળાના જિજ્ઞેશ નવઘણ મકવાણાની વાડીએ જિજ્ઞેશની તપાસ કરવા માટે ગયા હતા.વાડીએ વનવિભાગની ટીમ તપાસ માટે પહોંચી ત્યારે ખંભાળાના હીરા દેવા મકવાણા, માણેક હીરા મકવાણા, માનસીંગ હીરા મકવાણા તથા રણમલ માણેક મકવાણા એમ ચારેય શખ્શો લાકડી તથા ધોકા લઇને આવી પહોંચ્યા હતા અને વનવિભાગના અધિકારીઓને ગાળો દઇને ‘તમે કેમ અમારી વાડીમાં આવ્યા છો? તમે અમોને માચ્છીમારી કરવા દેતા નથી.’ તેમ કહીને ગાળો દઇને ગેરવર્તન કરતા હતા. તેવામાં માનસીંગ હીરા મકવાણાએ લાકડી ઉપાડીને લખમણભાઇ ઉપર વાર કરવાની કોશિશ કરતા તેમણે બચાવ કરી લીધો હતો. એ દરમ્યાન અન્ય સ્ટાફ વચ્ચે પડયો હતો જેથી અન્ય કોઇ મોટો બનાવ બને નહી તેથી વાડીએથી નીકળી ગયા હતા ત્યારે તેઓએ ધમકી આપી હતી કે, ‘અમારી વાડીએ આવ્યા કે રસ્તેથી નીકળ્યા તો જાનથી મારી નાખશું તેવી ધમકી આપી હતી.’ આથી વનવિભાગની ટીમે ઓફિસે આવીને ઉપરી અધિકારી સાથે વાત કરતા કાયદેસરની કાર્યવાહી કરવાની સૂચના અપાઇ હતી તેથી અંતે રાણાવાવ પોલીસમથક ખાતે આવીને ગુન્હો દાખલ કરવામાં આવ્યો હતો. 
નાસતા ભાગતા બે શખ્શો થયા જેલહવાલે
પોરબંદર વન વિભાગના નાયબ વનસંરક્ષક અક્ષય જોષી તથા એસ.સી.એફ. રાજલબેન પાઠકના સીધા માર્ગદર્શન હેઠળ  રાણાવાવ રેન્જના આર.એફ.ઓ. મલય મણીયારની ટીમ દ્વારા તા. ૪-૫-૨૦૨૫ના રોજ પોરબંદર જિલ્લાના રાણાવાવ તાલુકાના ખંભાળા ડેમમાં અભ્યારણ્ય વિસ્તારમા ગેરકાયદેસર પ્રવેશ કરી બોટ અને જાળ વડે માછલીનો શિકાર કરવાના ગુન્હામાં નાસતા ફરતા આરોપીઓ રફાઇ અશરફશા ફિરોજશા, રહે. રાણાવાવ ઉ.વ. ૩૦, શાહમદાર નસીરશા નયુમશાહ રહે. રાણાવાવ ઉ.વ. ૨૭ ને તા. ૩૧-૫-૨૦૨૫ના રોજ જ્યુડીશીયલ મેજીસ્ટ્રેટ ફર્સ્ટકલાસ રાણાવાવની કોર્ટમાં રજુ કરવામાં આવેલ હતા. કોર્ટ દ્વારા બન્ને આરોપીઓના જામીન નામંજૂર કરી પોરબંદર ખાસ જેલ હવાલે કરવાનો હુકમ કરવામાં આવેલ છે.