ગુજરાત વિધાનસભામાં રાયના નાણામંત્રી કનુ દેસાઈએ ગુજરાતનું વર્ષ ૨૦૨૫–૨૬નું . ૩,૭૦,૨૫૦ કરોડનું બજેટ રજૂ કયુ છે. તેમણે ભાષણમાં રાજકોષીય ખાધ ઓછી રાખવા તેમજ સેમિ કંડકટર ક્ષેત્રે વિકસિત ભારતના વિઝનને સાકાર કરવા પર ધ્યાન કેન્દ્રિત કરવા ભાર મૂકયો છે.

તે ઉપરાંત બજેટમાં ગુજરાતમાં બે નવા એકસપ્રેસ હાઇવે બનાવવાની જાહેરાત કરવામાં આવી છે. જેમાં બનાસકાંઠાને સૌરાષ્ટ્ર્રના દરિયાકાંઠા સાથે જોડતા ડીસાથી પીપાવાવ રસ્તાને નમોશકિત એકસપ્રેસ–વે તરીકે વિકસાવવામાં આવશે અને દાહોદમાં નવું ગ્રીનફિલ્ડ એરપોર્ટ બનાવવામાં આવશે.

રાજ્યમાં ભારે ટ્રાફિકની સમસ્યા ધરાવતા રસ્તાઓ માટે હાઈસ્પીડ કોરીડોર તેમજ એકસપ્રેસ વે વિકસાવવા માટે બજેટમાં કુલ . ૧૦૨૦ કરોડની જોગવાઈ કરવામાં આવી. જેમાં ગરવી ગુજરાત હાઈસ્પીડ કોરીડોર પ્રોજેકટ હેઠળ ૧૩૬૭ કિ.મી.ના ૧૨ નવીન હાઇસ્પીડ કોરીડોર વિકસાવવામાં આવશે. વધુમાં રાયમાં બે નવા એકસપ્રેસ–વે વિકસાવવામાં આવશે. જેમાં બનાસકાંઠાને સૌરાષ્ટ્ર્રના દરિયાકાંઠા સાથે જોડતા ડીસાથી પીપાવાવ રસ્તાને નમોશકિત એકસપ્રેસ–વે તરીકે વિકસાવવામાં આવશે.

એ સિવાય અમદાવાદથી રાજકોટ અને દ્રારકા, સોમનાથ તથા પોરબંદર જેવા ધાર્મિક, પ્રવાસન સ્થળો અને બંદરોને જોડતાં સોમનાથ દ્રારકા એકસપ્રેસ–વે તરીકે વિકસાવવામાં આવશે. તેમજ મહત્વના પ્રવાસન સ્થળોને હવાઇ માર્ગે જોડવાનું આયોજન પણ છે.  ભારત સરકારના સહકારથી સુરત, વડોદરા, ભાવનગર અને પોરબંદર એરપોર્ટના વિસ્તરણ તથા દાહોદ ખાતે ગ્રીનફીલ્ડ એરપોર્ટ બનાવવાનું આયોજન છે.