મીઠાપુરથી આશરે 17 કિલોમીટર દૂર નાગેશ્વર મંદિર હાઈવે પર અમદાવાદના રહીશ પંજભાઈ અરુણભાઈ જાદવ નામના 39 વર્ષના યુવાન ગત તારીખ 4 નવેમ્બરના રોજ તેમની ટાટા ટીઓ મોટરકાર નંબર જી.જે. 27 બી.એસ. 2916 લઈને જઈ રહ્યા હતા. ત્યારે આ માર્ગ પર આવી રહેલા જી.જે. 06 એલ.કે. 8752 નંબરની હ્યુન્ડાઈ એમ.એચ. મોટરકારના ચાલક ધવલ પટેલ (રહે. વડોદરા)એ અકસ્માત સર્જતા ફરિયાદી પંજભાઈ સાથે રહેલા તેમના પત્ની કોમાબેન અને પુત્ર દેવાંશને નાની મોટી ઈજાઓ સાથે હોસ્પિટલમાં સારવાર આપવામાં આવી હતી. આ બનાવ અંગે મીઠાપુર પોલીસ મથકમાં હ્યુન્ડાઈ કારના ચાલક ધવલ પટેલ સામે ગુનો નોંધાયો છે.

દ્વારકાધીશ મંદિર રેડ ઝોનમાં ડ્રોન ઉડાવતા વલસાડના ફોટોગ્રાફર સામે કાર્યવાહી

વલસાડ ખાતે રહેતા અને ફોટોગ્રાફીના વ્યવસાય સાથે સંકળાયેલા વિકટર નટવરલાલ પટેલ નામના 23 વર્ષના યુવાને દ્વારકામાં આવેલા કીર્તિ સ્તંભ સર્કલ પાસે રીમોટ વડે ડ્રોન ઉડાડી અને જાહેરનામાનો ભંગ કરતા આ પ્રકરણ અંગે દ્વારકા પોલીસમાં ગુનો નોંધાયો છે.