શહેરના આનંદનગર વિસ્તારના દિપક ચોકમાં ક્રાઈમ બ્રાંચે મળેલી બાતમી આધારે વહેલી સવારના વોચ ગોઢવી એક્સેસ ઉપર વિદેશી દારૂની હેરાફેરી કરતા બે શખસને ઝડપી પાડી વિદેશી દારૂના ૨૩૨ ચપટા કબ્જે કર્યા હતા.
 ભાવનગર લોકલ ક્રાઈમ બ્રાંચનો સ્ટાફ ભાવનગર શહેર વિસ્તારમાં નાઈટ રાઉન્ડ પેટ્રોલીંગમાં હતાં. તે દરમ્યાન બાતમી મળેલ કે, એક એકસેસ સ્કુટર  નં. જીજે. ૦૪. ડીક્યુ- ૭૦પરમાં બે શખ્સો  વિદેશી દારૂનો જથ્થો રાખી નીકળવાના છે. 
જે હકીકત આધારે વહેલી સવારના શહેરના આનંદનગર વિસ્તારના દિપક ચોક નજીક જાહેર રોડ ઉપર વોચમાં રહેતાં ઉક્ત એક્સેસ ઉપર શંકાસ્પદ રીતે કાર્તીક મુકેશભાઈ મકવાણા (ઉ.વ.૨૪ રહે.પ્લોટ નં.૨૪૦, યોગીનગર, લીલા ઉડાન પાછળ, ઘોઘા રોડ, ભાવનગર) અને મુકેશ પુનાભાઈ ડાભી (ઉ.વ.૪૦ રહે. શેરી નં.૯,પ્લોટ નં.૪૦, નિર્મળનગર, આંટા મીલવાળો ખાંચો, ભાવનગર) પસાર થતા બન્નેની અટક કરી તલાશી લેતા તેના કબજા ભોગવટામાંથી દારૂની મેકડોવેલ્સ નં.૦૧ ઓરીજનલ વ્હીસ્કી ૧૮૦ એમએલની બોટલ નંગ-૨૩૨ (કિ.રૂ.૨૩,૨૦૦) મળી આવતા વિદેશી દારૂ, એક્સેસ કબ્જે લઈ બન્ને સામે ઘોઘા રોડ પોલીસ મથકમાં પ્રોહિ.એકટની અલગ-અલગ કલમો હેઠળ ગુન્હો દાખલ કરી આગળની કાર્યવાહી હાથ ધરી હતી.