ઓખા મંડળના મીઠાપુર ખાતે રહેતા રહેતી અને કૌશિકભાઈ અરીલાની 31 વર્ષની પરિણીત પુત્રી વિભૂતિબેન આશિષભાઈ ઘાવડાને તેણીના લગ્નજીવન દરમિયાન તેણીના પતિ આશિષ યોગેશભાઈ ઘાવડા (ઉ.વ. 34) દ્વારા અવારનવાર શારીરિક તથા માનસિક ત્રાસ આપી, મારકૂટ કર્યાની ફરિયાદ મીઠાપુર પોલીસ મથકમાં નોંધાઈ છે.

અન્ય એક બનાવમાં હાલ દ્વારકાના રૂપેણ બંદર વિસ્તારમાં રહેતી અને આરબભાઈ જુમાભાઈ લુચાણીની 23 વર્ષની પરિણીત પુત્રી મહેમુદાબેન અલનુર ઢીમરને તેણીના લગ્નના વર્ષ 2021 માં સારી રીતે રાખ્યા બાદ તેણીના પોરબંદર તાલુકાના ગોસાબારા વિસ્તારમાં રહેતા પતિ અલનુર અલારખા ઉર્ફે લાખાભાઈ ઢીમર, સસરા અલ્લારખાભાઈ તેમજ સાસુ નુરબાઈ અને અસલમ અલ્લારખા, આસીયાનાબેન ઈમરાન અને ઈમરાન જાફર ઢીમર નામના છ સાસરિયાઓએ તેણીને દરિયામાં માછીમારી કરવા જવા બાબતે મેણા ટોણા મારી, બિભત્સ ગાળો કાઢી, શારીરિક તથા માનસિક દુઃખ ત્રાસ આપવા બાબત દ્વારકા પોલીસ મથકમાં ગુનો નોંધાયો છે.