શહેરમાં આજરોજ ઘરકંકાસથી કંટાળી જઇ બે પરિણીતા દ્વારા આપઘાતનો પ્રયાસ કરવામાં આવતા તેમને સારવાર માટે સરકારી હોસ્પિટલ ખસેડવામાં આવી હતી.જાણવા મળતી વિગતો મુજબ, રામનાથપરામાં રહેતા રૂકશારબેન સાજીદભાઈ જુણેજા(ઉ.વ 23) નામની પરિણીતાએ આજરોજ સવારના પોતાના ઘરે માંકડ મારવાની દવા પી લેતા તેમને સારવાર માટે હોસ્પિટલ ખસેડવામાં આવ્યા હતાં.


પરિણીતાએ જણાવ્યું હતું કે, તેમના લગ્નને પાંચ વર્ષ થયાં છે.તેમને સંતાનમાં એક પુત્ર એક પુત્રી છે.પતીને પુરી શાકની રેકડી છે.આજે તેમને તેમના કાકીજી મજલીબેન અને તેની પુત્રી રૂબીના બંને સાથે સફાઈ બાબતે ઝઘડો કરતા લાગી આવતા આ પગલું ભરી લીધું હતું.

જયારે ખોખડદડ પુલ નજીક જડેશ્વર નજીક વેલનાથ સોસાયટીમાં રહેતી કાજલબેન વિજયભાઈ મેર(ઉ.વ.24)ને આજે તેમના પતિ સાથે કામે જવા બાબતે માથાકૂટ થઇ હતી.જે બાબતે લાગી આવતા તેણે એસિડ પી લીધું હતું.પરિણીતાનો લગ્નગાળો છ વર્ષનો હોાવનું અને તેમને સંતાનમાં બે દીકરી છે. પતિ મજૂરી કામ કરે છે.