જામનગરની સ્વામી વિવેકાનંદ ક્રેડીટ કો.ઓપરેટીવ સોસાયટીના સભાસદ શૈલેશ કારાભાઈ વાડોલીયા અને અજય બાબુભાઈ ધ્રાંગીયાએ સોસાયટીમાંથી લોન લીધેલ હતી. આ લોન ભરપાઈ કરવા આરોપીઓએ  ચેક આપેલા અને  સોસાયટીએ ચેકો બેંકમાં ડિપોઝીટ કરતા ચેકો રીટર્ન થયેલ જેથી સોસાયટીના વકીલ દ્વારા કાયદેસરની નોટીસ આપવામાં આવેલ તેમ છત્તા સોસાયટીના ચેક મુજબની રકમનું લેણું બંને આરોપી દ્વારા ભરાયેલ ન હોય તેથી  નેગોશીએબલ ઈન્સટ્રુમેન્ટ એક્ટ - 138 અન્વયે  આરોપીઓ વિરુધ કોર્ટ સમક્ષ ફરીયાદ દાખલ કરેલ હતી અને સમન્સ મળતા બંને આરોપીઓ કોર્ટ સમક્ષ હાજર થયેલા હતા.

આ કેસ આગળ ચાલતા સુપ્રીમ કોર્ટના ચુકાદાઓ, ફરીયાદી પક્ષના પુરાવાઓ અને સોસાયટીના વકીલની દલીલોને ધ્યાને લઈ આ કામના આરોપીઓને તકસીરવાન ઠરાવવામાં આવ્યા હતા  અને  બંને આરોપીઓને 6 માસની જેલની સજા તેમજ વાદગ્રસ્ત ચેકની રકમ અનુક્રમે રૂ 17,55,171 અને રૂ.48,441 નો દંડ તેમજ આરોપીઓ ગેરહાજર હોવાથી વોરંટ ઇસ્યુ કરવાનો હુકમ કરવામાં આવેલ  છે.

આ કેસમાં ફરીયાદી તરફે વકીલ મિતેષભાઈ એલ.પટેલ, મણીલાલ જી.કાલસરીયા, ગૌરાંગભાઈ જી. મુંજપરા, હરજીવનભાઈ એમ. ધામેલીયા, જયદીપસિંહ જાડેજા રોકાયા હતા.