ચેમ્પિયન્સ ટ્રોફી 2025માં આજે ગ્રુપ સ્ટેજની છેલ્લી મેચ રમાઈ રહી છે. દુબઈમાં રમાઈ રહેલી ભારત અને ન્યુઝીલેન્ડ વચ્ચેની આ મેચમાં ટોસ થયો છે. ટીમ ઈન્ડિયાના કેપ્ટન રોહિત શર્મા ફરી એકવાર ટોસ હારી ગયા. હવે તે વનડેમાં સતત 10 ટોસ હારી ગયો છે. ન્યૂઝીલેન્ડના કેપ્ટન મિશેલ સેન્ટનરે ટોસ જીતીને પહેલા બોલિંગ કરવાનો નિર્ણય લીધો. આનો અર્થ એ થયો કે ભારતીય ટીમ પહેલા બેટિંગ કરશે. ટોસ બાદ, બંને ટીમોના કેપ્ટનોએ તેમની પ્લેઇંગ ઇલેવનની જાહેરાત કરી છે. આ મેચમાં બે ફેરફાર કરવામાં આવ્યા છે. ભારત અને ન્યુઝીલેન્ડે એક-એક ફેરફાર કર્યો છે.

રોહિતે પોતાનું 'ટ્રમ્પ કાર્ડ' રમ્યું

ભારતીય ટીમના કેપ્ટન રોહિત શર્માએ સેમિફાઇનલ પહેલા હર્ષિત રાણાને ફ્રેશ રાખવા માટે તેને બહાર રાખ્યો છે. ઉપરાંત, ટીમે ન્યુઝીલેન્ડ ટીમ સામે સ્પિનરને મેદાનમાં ઉતારવાનો નિર્ણય લીધો છે. એટલા માટે તેણે હર્ષિતની જગ્યાએ પોતાનું ટ્રમ્પ કાર્ડ જાહેર કર્યું છે. વરુણ તેના રહસ્યમયી સ્પિન માટે જાણીતો છે. તેથી, દુબઈમાં, ભારતીય કેપ્ટને કિવી ટીમને આશ્ચર્યચકિત કરવા માટે વરુણ ચક્રવર્તીને રમવાની તક આપી છે. વરુણ છેલ્લા કેટલાક સમયથી ફોર્મમાં છે. તેણે ઇંગ્લેન્ડ સામે શાનદાર પ્રદર્શન કર્યું હતું. ઇંગ્લિશ ટીમના બેટ્સમેનોને તેના બોલને સમજવામાં ઘણી મુશ્કેલી પડી.

કોનવેના સ્થાને ડેરિલ મિશેલનો પ્રવેશ

ન્યૂઝીલેન્ડનો મિડલ ઓર્ડર બેટ્સમેન ડેરિલ મિશેલ ઈજાના કારણે છેલ્લી મેચ રમી શક્યો ન હતો પરંતુ હવે તે સંપૂર્ણપણે ફિટ છે. એટલા માટે કિવી ટીમના કેપ્ટન સેન્ટનરે તેને ફરીથી ટીમમાં સામેલ કર્યો છે. તેના સ્થાને ડેવોન કોનવેને પડતો મૂકવામાં આવ્યો છે.

ભારતની પ્લેઇંગ ઇલેવન:

શુભમન ગિલ, કેએલ રાહુલ, વિરાટ કોહલી, શ્રેયસ ઐયર, હાર્દિક પંડ્યા, અક્ષર પટેલ, રવિન્દ્ર જાડેજા, અર્શદીપ સિંહ, કુલદીપ યાદવ, મોહમ્મદ શમી, વરુણ ચક્રવર્તી.

ન્યુઝીલેન્ડની પ્લેઇંગ ઇલેવન:

વિલ યંગ, ડેરિલ મિશેલ, કેન વિલિયમસન, રચિન રવિન્દ્ર, ટોમ લેથમ (વિકેટકીપર), ગ્લેન ફિલિપ્સ, માઈકલ બ્રેસવેલ, મિશેલ સેન્ટનર (કેપ્ટન), મેટ હેનરી, કાયલ જેમીસન, વિલિયમ ઓ'રોર્ક.