પાલીતાણા તાલુકાના જીવાપર ગામમાં રહેતો અને ડોળીનો ધંધો કરતા યુવાને પિતાને ગાળો આપી રહેલા બે ભાઈઓ ને ગાળો આપવાની ના કહેતા ઉશ્કેરાઇ ગયેલા એક ભાઈએ લાકડાના ધોકાથી હુમલો કરી હાથ ફેક્ચર કરી નાંખ્યું હતું તો અન્ય એક ભાઈએ  અને તેની પત્નિએ ઢીંકા-પાટુનો માર મારી મારી નાંખવાની ધમકી આપી હતી.પોલીસે આ આ બનાવ અંગે ત્રણેય  સામે ગુનો દાખલ કરી વધુ તપાસ હાથ ધરી હતી.
અશોકભાઈ  આતુભાઈ પરમારે તેના ભાઈ રાજુ પરમાર અને જીતુ પરમાર તેમજ ભાભી નયનાબહેન સામે  નોંધાવેલી ફરિયાદ મુજબ  ફરિયાદી પોતે ડોળીનું કામ કરી ઘરે આવ્યો તે સમયે તેના બન્ને ભાઈઓ  પિતાને ગાળો આપતા હતા. એટલે તેણે ગાળો આપાવની ના કહેતા જીતુએ ધોકાથી હુમલો કરી કાંડાના ભાગે મારતા તેને કાંડાના ભાગે ફેક્ચર થઇ ગયુ હતુ તો રાજુ અને નયનાબહેને ફરિયાદીને ઢીંકા-પાટુનો માર મારી ઇંજા પહોંચાડી હતી. પતિ પર હુમલો થતાં અશોકને છોડાવવા માટે તેના પત્નિ વચ્ચે પડતા તમામે તેને પણ માર મારી ઇંજા પહોંચાડી હતી અને જાનથી મારી નાંખવાની ધમકી આપી હતી. ઈજાગ્રસ્ત પતિ-પત્નિને સારવાર માટે ભાવનગર ખાતે ખસેડવામાં આવ્યા હતા. અશોકભાઈની ફરિયાદના આધારે પાલીતાણા ટાઉન પોલીસે આ બનાવ અંગે ગુનો દાખલ કરી વધુ તપાસ હાથ ધરી હતી.