એક મહિલા સહિત અન્ય બે ફરાર : ૧.૩૦ લાખની રોકડ અને ગાડી કબ્જે

જામનગરના સત્યમ કોલોની એરફોર્સ-૨ ગેઇટ રોડ પર આવેલા એક કોમ્પલેક્સના જાહેર રોડ પરના પાર્કિંગ માંથી બે અઠવાડિયા પહેલાં  ધોળે દિવસે ઓલા સ્કૂટરની ઉઠાંતરી થઇ છે, આ સ્કૂટરની ડેકીમાં બે લાખની રોકડ રકમ હોવાનું ફરિયાદમાં જાહેર થયું હતું. આ ગુના ની તપાસ મા બે આરોપી ને પોલીસે ઝડપી લીધા છે.અને ચોરાઉ સ્કૂટર તથા ૧લાખ ૩૦ હજારની રોકડ રકમ કબ્જે કરવામાં આવી છે.
જામનગરના  કૈલાસનગર વિસ્તારમાં રહેતા અને શ્રીજી કોમ્પલેક્સમાં  ઓફિસ ધરાવતાં દિપકભાઇ ઠુમ્મર નું ઓલા સ્કૂટર બે સપ્તાહ પહેલાં  ઉઠાંતરી થયું હતું.જે અંગે ની  ફરિયાદ શહેરના સીટી સી. ડીવીઝન પોલીસ સ્ટેશનમાં દાખલ કરાવવામાં આવી હતી. આ સ્કૂટરની ડેકી માં બે લાખ ની રકમ રાખવામા આવી હતી.
આ અંગે એસપી પ્રેમસુખ ડેલુ અને ડીવાયએસપી જયવીરસિંહ ઝાલાના માર્ગદર્શન હેઠળ સીટી-સી ડીવીઝનના પ્રો. ડીવાયએસપી નયના ગોરડીયા, પીઆઇ એ.આર. ચૌધરીની સુચનાથી સ્ટાફ પેટ્રોલીંગમાં હતો.
તપાસમા સીટી-સીના યશપાલસિંહ, શિવભદ્રસિંહ, યુવરાજસિંહને ટેકનીકલ તથા હયુમન સોર્સીસના આધારે બાતમી મળી હતી. આથી ગોકુલનગર સાંઢીયા પૂલ પાસેથી પટેલપાર્ક આશીર્વાદદીપ-૧ ખાતે રહેતા દિવ્યેશ ઉર્ફે દિવુભા મૂછડી દિનેશભાઈ વાઘેલા અને ગુલાબનગર સંજરી ચોકની બાજુમાં રહેતા સિધરાજસિંહ નવલસિંહ કંચવાને ચોરાઉ ઓલા સ્કૂટર સાથે પોલીસે ઝડપી લીધા છે, અને તેઓ નાં કબ્જા માંથી ૧ લાખ ૩૦ હજારની રોકડ પણ જપ્ત કરી છે.
આ ગુનામા ગોકુલનગરની જીનસીબેન પિયુષભાઈ પીઠડિયા અને લાલવાડીના નયન પ્રફુલ્લભાઇ પટેલની પણ સંડોવણી ખુલવા પામતાં પોલીસે તે બન્નેને ફરારી જાહેર કરી બંનેની શોધખોળ હાથ ધરી છે.