૧૦ લાખનો મુદામાલ કબ્જે: મોડા ગામમાં વેપારી દા‚ની ૧૨ બોટલ સાથે પકડાયો : બાવરીવાસમાં દેશી દા‚ અંગે દરોડા

જામનગર નજીક નાઘુના ગામ રોડ પર જામનગરના ૩ શખ્સોને સીએનજી રીક્ષામાં વિદેશી દા‚ની બોટલો લઇને નીકળતા પકડી લેવામાં આવ્યા હતા, જયારે મોડા ગામમાં એક વેપારી શરાબની ૧૨ બોટલ સાથે ઝપટમાં આવ્યો હતો, ઉપરાંત શહેરના બાવરીવાસ વિસ્તારમાં બે સ્થળે દેશી દારુ અંગે દરોડા પાડવામાં આવ્યા હતા.
જામનગરના પવનચકકીના ઢાળીયે રહેતા સંજય ચંદ્રકાંત નંદા, શંકરટેકરીમાં રહેતા મયુરસિંહ ચંદુભા પિંગળ, હર્ષદમીલની ચાલી પાસે પટેલનગર શિવદર્શન એપાર્ટમેન્ટમાં રહેતા સવજી ડાયા પાટડીયા નામના ત્રણ શખ્સો ઇંગ્લીશ દા‚ની ૨૦ બોટલો સીએનજી રીક્ષા નં. જીજે૨૩ડબલ્યુ-૪૫૩૯માં લઇને નાઘુના ગામ સ્કુલ રોડ પરથી નીકળતા પંચ-બી પોલીસે પકડી લીધા હતા અને કુલ ૧.૧૦ લાખનો મુદામાલ કબ્જે કર્યો હતો.
બીજા દરોડામાં જામનગર તાલુકાના મોડા ગામ ચોરાવારી શેરીમાં રહેતા વેપારી દિગ્વીજયસિંહ સંજયસિંહ જાડેજાને ઇંગ્લીશ દા‚ની ૧૨ બોટલ સાથે ગામની ગૌશાળા નજીક પંચ-એ પોલીસે પકડી લીધો હતો.
આ ઉપરાંત જામનગરના વુલનમીલ ફાટક, બાવરીવાસમાં રહેતી જયોતીબેન રામકલ્યાણ બાવરીના ઝુપડેથી ૫ લીટર દેશી દારુ, ૭૦ લીટર આથો અને ચાલુ ભઠ્ઠીના સાધનો મળી આવ્યા હતા, જયારે બાવરીવાસમાં રહેતી રામપ્યારી રામપ્રસાદ વઢીયારના ઝુપડેથી ૪ લીટર દેશી દારુ, ૧૦૦ લીટર આથો અને ભઠ્ઠીના સાધનો જપ્ત કરવામાં આવ્યા હતા.