જગતમંદિરે ધ્વજારોહણ, કાર રેલી, ડાયરો, શોર્ય દિવસની ઉજવણી

ગુજરાત આહીર સેના દ્વારા યાત્રાધામ દ્વારકાની આહીર સમાજ વાડી ખાતે દેશભરમાંથી પ્રથમ વખત શોર્ય દિવસની ઉજવણી કરવામાં આવી હતી. ૧૯૬૨ માં ભારત-ચીન યુધ્ધમાં ચીનના ૧૩૦૦થી વધુ સૈનિકોને મોતને ઘાટ ઉતારી ૧૧૪ જેટલા આહિર હિરલાઓ વીરગતિ પામ્યા હતા.જે શહિદવીરોના સન્માનમાં આહીર સેના ગુજરાત દ્વારા દ્વારકા આહીર સમાજ વાડી ખાતે શ્રધ્ધાંજલિ પાઠવી હતી. તેમજ દ્વારકાધીશ જગતમંદિરના શિખર પર નૂતન ધ્વજારોહણ કરવામાં આવ્યું હતું આ સાથે કુરંગા ગામથી વિશાળ કાર રેલી નીકળી હતી આ કાર્યક્રમના ઉપલક્ષ્યમાં ભવ્ય લોકડાયરાનું પણ આયોજન કરાયું હતું.