સમગ્ર વિશ્વની સાથે સાથે તા ૧૯.૧૧.૨૦૨૩ને વિશ્ર્વ સ્મૃતિ દિવસ નિમિત્તે માર્ગ અકસ્માતમાં મૃત્યુ પામેલા લોકોને જામનગર ખાતે શ્રદ્ધાંજલિ આપવામાં આવી હતી.
 જામનગરમાં લાલબંગલ સર્કલમાં ઇએમઆરઆઈ. ૧૦૮ના અધિકારી તેમજ સ્ટાફ, ટ્રાફિક પોલીસ ઇન્સ્પેક્ટર અને તેમનો સ્ટાફ, આરટીઓ ઇન્સ્પેક્ટર અને તેમની ટિમ, ફાયર બ્રિગેડની ટિમ, હોમ ગાર્ડના જવાનોની ટિમ, ટ્રાફિક બ્રિગેડ ના જવાનો અને જાહેર જનતાની ઉપસ્થિતીમાં મીણબત્તી પ્રગટાવીને ૨ મિનિટ નું મૌન રાખવામાં આવ્યું હતું, અને મૃતકોને શ્રદ્ધાંજલિ અર્પણ કરવામાં આવી હતી. ઉપરાંત માર્ગ અકસ્માત ન થાય અને થાય તો ઘાયલ વ્યકિતને ૧૦૮ દ્વારા હોસ્પીટલ પહોચાડવાની શપથ તેમજ આરટીઓ ઓફીસ ખાતે વૃક્ષારોપણ કરવામાં આવ્યુ હતું.