સંઘ પ્રદેશ દિવમાં જામનગર થી દિવ ફરવા પર્યટકોને લઈને આવેલ ખોડીયાર ટ્રાવેલ્સની બસ નં.--૧૦-૮૦૦૪ને દિવની એક હોટેલની સામે પાર્કિંગ જેટીમાં પાર્ક કરી પર્યટકો દિવ દર્શન માટે ગયા હતાં. ત્યારે ડ્રાઈવર  હરિદાસ  મોહનભાઈ કાપડીએ જણાવ્યું કે આખી રાત બસ ચલાવતા ઉજાગરો હોવાથી બસની અંદર સુઈ ગયો હતો. કંડક્ટર નરસિંહભાઈ મનજીભાઈ નકુમ ઉ.વ. ૫૩ રહે. શારદા ગ્રામ પાણખાણ જામનગર બસની નીચે સુઈ ગયો હોય પર્યટકો દિવથી પરત જવાનો ફોન આવતાં હતો. જેથી ડ્રાઇવરે કંડકટરને બે ફોન કર્યા અને  બે ત્રણ હોર્ન મારી બસ ચાલુ કરીને ચલાવતાં બસ કંડક્ટરના માથાનાં ભાગે બસનું વીલનું ટાયર જોટો ફળી વળતા ઘટના સ્થળેજ મોત નિપજ્યું હતુ. દિવ પોલીસે ડ્રાઈવરની લાપરવાહીથી વાહન ચલાવી મોત નિપજાવી હોવા અંગેનો ગુન્હો નોંધી ધરપકડ કરી છે. અને કંડક્ટર યુવાનના મૃતદેહનો કબ્જો લઈ પીએમ અર્થે ખસેડી પરિવારને મૃતદેહ સોંપવાની તજવીજ હાથ ધરવામાં આવેલ.