ભારતમાં જે ચપ્પલ રૂ.60 થી 100 માં મળે તે ચપ્પલ કુવૈતની બજારોમાં લાખો રૂપિયામાં વહેંચાય છે.આટલો મોટો ભાવ સાંભળીને સામાન્ય રીતે લોકોને એમ થાય કે ચપ્પલ હશે શાહી અંદાજના કે કેટલાય વર્ષો પહેલાના કે ઊંચી બ્રાન્ડના.. પણ ના આ ચપ્પલને જોતા જ તમે કહી દેશો કે આ ચપ્પલ ભારતમાં 60-60 રૂપિયામાં મળે છે ને આના લાખો રૂપિયા અપાય ? ઇન્સ્ટાગ્રામ પર એક વીડિયો શેર કરવામાં આવ્યો છે જેમાં “ટ્રેન્ડી સેન્ડલ” ચંપલનો વીડિયો શેર કરવામાં આવ્યો છે.

વીડિયોમાં ચપ્પલની ગુણવત્તા અને કિંમતનો ઉલ્લેખ કરવામાં આવ્યો છે પરંતુ જ્યારે ભારતીયોએ સામાન્ય દેખાતા ચપ્પલની કિંમત સાંભળી તો તેઓ આશ્ચર્યચકિત થઈ ગયા. વીડિયોમાં ચપ્પલની કિંમત 4,500 રિયાલ એટલે કે લગભગ 1 લાખ રૂપિયા જણાવવામાં આવી છે. જ્યારે ભારતીય લોકોએ સાંભળ્યું કે ઘરમાં વપરાતા ચપ્પલ જેવા દેખાતા આ ચપ્પલની કિંમત 1 લાખ રૂપિયા છે તો તેઓને અજીબ લાગ્યું એક સોશિયલ મીડિયા યુઝરે લખ્યું કે હું રોજ ટોયલેટ જવા માટે આ પ્રકારના સ્લીપરનો ઉપયોગ કરું છું. એકે લખ્યું કે હું તેને માત્ર 60 રૂપિયામાં ખરીદું છું.

આ વીડિયો @kuwaitinside નામના એકાઉન્ટ પરથી શેર કરવામાં આવ્યો છે જે કુવૈત સંબંધિત સ્થાનિક માહિતી શેર કરે છે. માત્ર એક જ દિવસમાં ત્રીસ લાખ લોકોએ આ વીડિયો જોયો છે. હજારો લોકોએ કોમેન્ટ કરી છે, જેમાં મોટાભાગના ભારતીયો છે.વિડીયોના કેપ્શનમાં લખ્યું હતું કે આ લેટેસ્ટ ફેશન 'ઝાનોઉબા' છે જેની કિંમત 4500 રિયાલ (1 લાખ રૂપિયા) છે.