RBI માં સરકારી નોકરી મેળવવા માંગતા ઉમેદવારો માટે મહત્વપૂર્ણ સૂચના. ભારતીય રિઝર્વ બેંક (RBI) દ્વારા જનરલ, DEPR અને DSIM વિભાગમાં ગ્રેડ B ઓફિસરની કુલ 94 જગ્યાઓ માટે 25 જુલાઈથી અરજીઓ મંગાવવામાં આવી રહી છે. આ અરજી પ્રક્રિયા આજે એટલે કે શુક્રવાર, 16 ઓગસ્ટના રોજ સમાપ્ત થવા જઈ રહી છે. ત્યારે રસ ધરાવતા ઉમેદવારો કે જેમણે હજુ સુધી અરજી કરી નથી તેઓએ અંતિમ સમય (સાંજે 6 વાગ્યા)ની રાહ જોયા વિના શક્ય તેટલી વહેલી તકે તેમની અરજી સબમિટ કરવી જોઈએ.

RBI ગ્રેડ B ઓફિસર ભરતી 2024 પરીક્ષાની તૈયારી કરી રહેલા ઉમેદવારો કે જેમણે હજુ સુધી અરજી કરી નથી, તેઓ બેંકની અધિકૃત વેબસાઈટ rbi.org.in ના રિક્રુટમેન્ટ વિભાગમાં અથવા સંબંધિત એપ્લિકેશન પેજ પર આપેલ સીધી લિંક દ્વારા અરજી કરી શકે છે. આ પેજ પર  ઉમેદવારોએ પહેલા પોર્ટલ પર નોંધણી કરાવવી પડશે અને પછી નોંધાયેલ વિગતો સાથે લૉગ ઇન કરીને  ઉમેદવારો આ પરીક્ષા માટે પોતાની નોંધણી કરાવી શકશે.

 RBI ગ્રેડ B ઓફિસર પરીક્ષા 2024 સૂચના લિંક

https://rbidocs.rbi.org.in/rdocs/Content/PDFs/ADVTGRBDRGENERALDEPRDSIMPY202414FE01A03453453BAD9BFF7EDD198B90.PDF

આરબીઆઈ ગ્રેડ બી ઓફિસર પરીક્ષા 2024 એપ્લિકેશન લિંક

https://ibpsonline.ibps.in/rbiojun24/

નોંધણી પછી, ઉમેદવારોએ RBI ગ્રેડ B ઓફિસર પરીક્ષા 2024 માટે 850 રૂપિયાની નિર્ધારિત ફી ઓનલાઈન માધ્યમથી ચૂકવવી પડશે. SC, ST અને PwBD ઉમેદવારો માટેની ફી માત્ર 100 રૂપિયા છે. ઉમેદવારોએ પણ આજે જ ફી ભરવાની રહેશે એટલે કે આ તબક્કા માટે કોઈ વધારાનો સમય આપવામાં આવ્યો નથી.

RBI ગ્રેડ B ભરતી 2024: કોણ અરજી કરી શકે છે?

RBI ઓફિસર (ગ્રેડ B) પરીક્ષા 2024માં હાજર રહેવા માટે  ઉમેદવારોએ ઓછામાં ઓછા 60% માર્ક્સ સાથે કોઈપણ પ્રવાહમાં PG હોવું આવશ્યક છે. જો કે DEPR અને DSIM વિભાગોની ખાલી જગ્યાઓ માટે ઉમેદવારોએ અનુક્રમે ઓછામાં ઓછા 55% માર્ક્સ સાથે અર્થશાસ્ત્ર અને આંકડાશાસ્ત્રમાં PG હોવું આવશ્યક છે. તમામ પોસ્ટ માટે  ઉમેદવારોની ઉંમર 1લી જુલાઈ 2024 ના રોજ 21 થી 30 વર્ષની વચ્ચે હોવી જોઈએ. અનામત વર્ગોના ઉમેદવારોને ઉપલી વય મર્યાદામાં છૂટછાટ આપવામાં આવશે.