મહારાષ્ટ્ર અને ઝારખંડમાં વિધાનસભા ચૂંટણીની તારીખ આજે જાહેર કરવામાં આવશે. આજે ચૂંટણી પંચ બપોરે મહારાષ્ટ્ર અને ઝારખંડ વિધાનસભા ચૂંટણીની તારીખોની જાહેરાત કરશે. ચૂંટણી પંચ આજે બપોરે 3.30 કલાકે પ્રેસ કોન્ફરન્સ કરશે. દરમિયાન ચૂંટણી પંચ જણાવશે કે કેટલા તબક્કામાં ચૂંટણી થશે અને શું તૈયારીઓ થઈ રહી છે. મહારાષ્ટ્ર વિધાનસભાનો કાર્યકાળ 26 નવેમ્બરે સમાપ્ત થઈ રહ્યો છે. ઝારખંડ વિધાનસભાનો કાર્યકાળ આવતા વર્ષે 5 જાન્યુઆરીએ સમાપ્ત થશે.
ચૂંટણી પંચે મહારાષ્ટ્ર અને ઝારખંડમાં ચૂંટણી સંબંધિત તૈયારીઓ પૂર્ણ કરી લીધી છે. થોડા સમય પહેલા ચૂંટણી પંચની ટીમે બંને રાજ્યોની મુલાકાત લીધી હતી. આ દરમિયાન તેમણે ચૂંટણીની તૈયારીઓની સમીક્ષા કરી હતી. ીં મહા વિકાસ અઘાડી અને મહાયુતિ વચ્ચે મુકાબલો છે. મહા વિકાસ અઘાડી પાસે કોંગ્રેસ, એનસીપી શરદ પવાર જૂથ, શિવસેના યુબીટી છે. મહાગઠબંધનમાં ભાજપ, શિવસેનાના શિંદે જૂથ અને અજિત પવાર સાથે એનસીપી જૂથ છે. અહીં બંને ગઠબંધન સીટોની વહેંચણીને આખરી ઓપ આપવામાં વ્યસ્ત છે. વર્તમાન વિધાનસભાનો કાર્યકાળ 26 નવેમ્બરે સમાપ્ત થઈ રહ્યો છે.
ઝારખંડમાં રાજ્યની તમામ 81 સીટો પર વિધાનસભા ચૂંટણી યોજાવાની છે. ઝારખંડ વિધાનસભાનો કાર્યકાળ 5 જાન્યુઆરી, 2025ના રોજ સમાપ્ત થશે. અહીં તમામ પક્ષો ચૂંટણી માટે મહેનત કરી રહ્યા છે. તમામ 81 વિધાનસભા બેઠકો પર નેતાઓ પ્રચારમાં વ્યસ્ત છે. અહીં ઈન્ડિયા એલાયન્સ અને એનડીએ વચ્ચે સીધો મુકાબલો છે. અહીં છેલ્લે 2019માં ચૂંટણી યોજાઈ હતી, જ્યારે મહાગઠબંધનની જીત બાદ હેમંત સોરેન મુખ્યમંત્રી બન્યા હતા.

ચૂંટણી કમિશન ભાજપ્ની કઠપૂતળી છે: જેએમએમ
ઝારખંડના મુખ્યમંત્રી હેમંત સોરેનની પાર્ટી ઝારખંડ મુક્તિ મોરચા (જેએમએમ) એ ચૂંટણી પંચ પર નિશાન સાધ્યું છે. જેએમએમના નેતા મનોજ પાંડેએ આરોપ લગાવ્યો છે કે ભાજપ્ના નેતાઓને ગઈકાલે જ ચૂંટણીની જાહેરાતની માહિતી મળી હતી. પાંડેએ ચૂંટણી પંચને ભાજપ્ની કઠપૂતળી ગણાવી છે. મનોજ પાંડેએ કહ્યું, અમે હંમેશા ચૂંટણી માટે તૈયાર છીએ. પરંતુ આજે ચૂંટણીની જાહેરાત થવા જઈ રહી છે અને ગઈકાલે જ ભાજપ્ના નેતાઓને તેની જાણ થઈ ગઈ હતી. આ બહુ ગંભીર વિષય છે. શું ચૂંટણી પંચ ભાજપ્ના નેતાઓની સૂચના પર કામ કરે છે? હિમંતા બિસ્વા સરમાએ ગઈકાલે એક નિવેદનમાં જણાવ્યું હતું કે ચૂંટણીની જાહેરાત થવા જઈ રહી છે. કોઈપણ કમિશનને આ રીતે કઠપૂતળીની જેમ રાખવું એ ગંભીર બાબત છે.