શહેરના યુનિવર્સીટી રોડ ઉપરના આકાશવાણી ચોકમાં ટ્રાફિક સર્કલની અંદર મુકાયેલા સાઇન બોર્ડમાં મહિલા આઇ.આઇ.ટી.તેવો એરો માર્ક મુકાયો હતો જેથી લોકો ગેરમાર્ગે દોરાતાં હતા કારણ કે રાજકોટને આજ દિવસ સુધી આઇઆઇટી ફાળવાઇ નથી....તે અંગેનો સતસ્વીર અહેવાલ ગત તા.20-12-2023ના રોજ આજકાલ દૈનિકની શહેર આવૃત્તિના પેઇજ નં. ઉપર પ્રસિધ્ધ થયો હતો ત્યારબાદ મહાપાલિકા તંત્રને પોતાની ભૂલનું ભાન થયું હતું અને તાત્કાલિક અસરથી અહીં સુધારો કરીને મહિલા આઇ.ટી. આઇ તરફ તેમ લખવામાં આવ્યું છે, અહીં અગાઉની ભૂલ ભરેલા લખાણ સાથેની થોડા દિવસ પહેલાની તસ્વીર અને ગઇકાલે સુધારો કરાયા પછીની આજે તા.27-12-2023ની તસ્વીર દ્રશ્યમાન થાય છે. અલબત્ત સાત વર્ષથી લાખો નાગરિકોને ગેરમાર્ગે દોરતા સાઇન બોર્ડમાં ભૂલ હોવા અંગેનો અહેવાલ પ્રસિધ્ધ થયા બાદ ભૂલ સ્વીકારીને સુધારણા કરવામાં તંત્રને સાત દિવસ લાગ્યા હતા. (તસ્વીર: દર્શન ભટ્ટી)