અમદાવાદ જિલ્લાના ધોલેરામાં આવેલ રિન્યુ પાવર કંપનીમાં બે કામદારે ઘડેલા પ્લાન બાદ વાયરના બંડલોની ચોરી કરવા આવેલા ભાવનગરના ભડભીડ ગામના શખ્સ સહિત ત્રણ  શખ્સને કંપનીના સિક્યુરિટી સ્ટાફેઝડપી લઈ ધોલેરા પોલીસને હવાલે કર્યા હતા.'

ધોલેરામાં આવેલ રિન્યુ પાવર કંપનીમાં ગત તા. ૧૦-૮ના રોજ રાત્રિના ૧૧-૩૦ હતા વાગ્યા આસપાસ કિશન બુધાભાઈ કાનાણી, જયેશ ભીમજીભાઈ રાઠોડ (રહે, બન્ને સોઢી, તા.ધોલેરા) અને સુનિલ રામજીભાઈ પરમાર (રહે, ભાવનગર, મૂળ કોટડા ભડભીડ, તા.ભાવનગર) નામના શખ્સો ઈક્કો કાર લઈને આવ્યા હતા અને ચોરીના ઇરાદે કિશન કંપનીની દિવાલ ઠેકીને અંદર ઘુસવાનો પ્રયાસ કરતા ત્યાં હાજર સિક્યુરિટી સ્ટાફે ચોરીનો  પ્લાન નાકામ કરી ત્રણેયને ઝડપી આ શખ્સોની પૂછપરછ કરતા કંપનીમાં કામ કરતા બે શખ્સ કિશન ભીમજીભાઈ રાઠોડ અને બાબુ આંબાભાઈ સોલંકીએ કંપનીમાંથી વાયરના બંડલો ચોરીને ગેસ યાર્ડ પાસે સંતાડીને મુક્યા હોય, જે બંડલો લેવા આવ્યા હોવાનું જણાવ્યું હતું.

કંપનીના સિક્યુરિટી સ્ટાર્કે ઝડપાયેલા ત્રણેય શખ્સને ઈક્કો કાર સાથે ધોલેરા પોલીસને સોંપી ઝડપાયેલા ઉપરાંત કંપનીમાંથી વાયરના બંડલો ઉઠાવનાર અન્ય બે શખ્સ મળી પાંચેય સામે ધોલેરા પોલીસ મથકમાં ફરિયાદ નોંધાવતા પોલીસે બી.એન.એસ.ની કલમ ૩૦૩ (૨), ૬૨ અને ૫૪ મુજબ ગુનો નોંધી કાયદેસરની કાર્યવાહી હાથ ધરી હતી.