કલ્યાણપુર તાલુકાના ભાટિયા ગામે રહેતા રણછોડભાઈ મનજીભાઈ કણજારીયા નામના 44 વર્ષના સતવારા યુવાનની મોટરકારને થોડા સમય પૂર્વે દીપક વાલજી પરમાર નામના શખ્સએ સળગાવી નાખી હતી. જે અંગે તેમણે ધોરણસર ફરિયાદ નોંધાવી હતી. આ બાબતનો ખાર રાખીને ફરિયાદી રણછોડભાઈના પિતરાઈ ભાઈ રાજેશભાઈ નારણભાઈ કણજારીયાને આરોપી દિપક પરમારએ ધમકી આપી હતી કે હજી તો રણછોડની ગાડી જ સળગાવી દીધી છે, અને હવે તેનું મકાન પણ સળગાવી નાખીશ. ક્યાંય મળશે તો તેને જાનથી મારી નાખીશ - તેવી ધમકી આપતા આ અંગે કલ્યાણપુર પોલીસે રણછોડભાઈ કણજારીયાની ફરિયાદ પરથી દીપક વાલજી પરમાર સામે ગુનો નોંધી જરૂરી કાર્યવાહી કરી હતી.

દ્વારકા નજીક કારની અડફેટે વૃદ્ધા ઇજાગ્રસ્ત

દ્વારકા તાલુકામાં રહેતા ગાંગીબેન નામના એક વૃદ્ધ મહિલા હાઈવે નજીક આવેલી મીરા હોટલ પાસેથી ચાલીને જઈ રહ્યા હતા. ત્યારે પાછળથી પૂર ઝડપે અને બેફિકરાઈપૂર્વક આવી રહેલા એક અજાણ્યા મોટરકારના ચાલકે ગાંગીબેનને અડફેટે લેતા તેમને ફ્રેકચર સહિતની નાની-મોટી ઈજાઓ સાથે હોસ્પિટલમાં સારવાર આપવામાં આવી હતી. અકસ્માત સર્જીને આરોપી કાર ચાલક નાસી છૂટ્યો હતો. આ બનાવ અંગે વૃદ્ધાના જમાઈ ભરતભાઈ આલાભાઈ પરમાર (ઉ.વ. 37) ની ફરિયાદ પરથી દ્વારકા પોલીસે અજાણ્યા કારના ચાલક સામે ગુનો નોંધ્યો છે.