રાજલક્ષ્મી બેકરીવાળા મનુભાઇ ખેતવાણીનો સમસ્ત લોહાણા સમાજની માફી માંગતો વિડીયો વાયરલ

ધંધાકીય ઉઘરાણી બાબતે પોરબંદરના વેપારી સાથે વાતચીત દરમ્યાન લોહાણા સમાજ માટે અભદ્ર વાણીવિલાસ કરનારા જામનગરની રાજલક્ષ્મી બેકરીવાળા મનુભાઇ ખેતવાણીનો માફી માંગતો વિડીયો પણ વાયરલ થયો છે, જેમાં બે હાથ જોડીને સમસ્ત લોહાણા સમાજની માફી માંગવામાં આવી છે.
બે-ત્રણ દિવસ પહેલા મનુભાઇ ખેતવાણી દ્વારા પૈસાની ઉઘરાણીને લઇને પોરબંદરના વેપારી સાથે કરવામાં આવેલા અભદ્ર વાણીવિલાસની ઓડિયો કલીપ જાહેર થયા બાદ લોહાણા સમાજમાં ઉગ્ર વિરોધ ફાટી નીકળ્યો હતો અને ઠેકઠેકાણે આવેદનપત્ર આપવામાં આવ્યા હતા, જામનગરમાં પણ આવતીકાલે લોહાણા મહાજનના દ્વારા કલેકટરને આવેદનપત્ર આપવામાં આવશે.
દરમ્યાનમાં જે વ્યક્તિ દ્વારા લોહાણા સમાજ વિશે અપશબ્દો બોલવામાં આવ્યા છે, તે રાજલક્ષ્મી બેકરીવાળા મનુભાઇ ખેતવાણીની વિડીયો કલીપ આજે વાયરલ થઇ રહી છે, જેમાં એમના દ્વારા એવું કહેવામાં આવ્યું છે કે, હું મનુભાઇ ખેતવાણી હું સમસ્ત લોહાણા સમાજની માફી માગું છું, સમાજની લાગણી દુભાઇ હોઇ તો તેના માટે માફી માંગુ છું, ભવિષ્યમાં આવી ભૂલ નહીં થાય તેની ખાતરી આપું છું.
આમ, સમગ્ર પ્રકરણ જ્યારે ચર્ચાના ચાકડે ચડ્યું છે ત્યારે માફી માંગનારા વ્યક્તિની વિડીયો કલીપ પણ શહેરભરમાં અને જિલ્લામાં વાયરલ થઇ રહી છે.