દુનિયામાં અનેક પ્રકારના જીવો વિશે વાંચ્યું અને સાંભળ્યું હશે. દરેક જીવની પોતાની વિશેષતા છે. કેટલાક કોઈ વસ્તુમાં સારા હોય છે અને કેટલાક બીજામાં ખરાબ હોય છે.

આપણે બધા જાણીએ છીએ કે શ્વાસનું આપણા જીવનમાં કેટલું મહત્વ છે. આપણે શ્વાસ લીધા વિના જીવવાની કલ્પના પણ કરી શકતા નથી. જો કે એક એવું જીવજંતુ છે જે શ્વાસ લીધા વિના 6 દિવસ સુધી જીવિત રહી શકે છે. કુદરતે તેને એવું બનાવ્યુ છે કે તે લાંબા સમય સુધી શ્વાસ રોકી શકે  છે.

જે જીવજંતુની વાત થઇ રહી છે તે એક વીંછી છે. વીંછીના ફેફસાંની રચના એવી હોય છે કે તે લાંબા સમય સુધી તેનો શ્વાસ રોકી શકે છે. આ પ્રકારના ફેફસાંને બુક લંગ્સ કહેવામાં આવે છે. તેમનો આકાર પુસ્તકના ફોલ્ડ કરેલા પાના જેવો છે, તેથી જ તેમને આ નામ આપવામાં આવ્યું છે. તેમના ફેફસાંમાં સારી માત્રામાં હવા જાળવી શકાય છે. આ જ કારણ છે કે હવાના જથ્થાને કારણે તેઓ હવાની આપલે કર્યા વિના 6 દિવસ સુધી જીવિત રહી શકે છે.

આખુ વર્ષ ખાધા વિના વિતાવી શકે

એટલું જ નહીં આ જીવની રસપ્રદ વાત એ છે કે તે આખું વર્ષ ખાધા વિના વિતાવી શકે છે. તે પાણી પણ બહુ ઓછું પીવે છે પરંતુ તેને જીવવા માટે પાણીની જરૂર છે. તે કોઈપણ સપાટી પર સરળતાથી ચઢી શકે છે અને જ્યારે તે અલ્ટ્રાવાયોલેટ પ્રકાશ હેઠળ આવે છે, ત્યારે તે ચમકવા લાગે છે.

ReplyForward Add reaction