દરેક વ્યક્તિ એક સારો જીવનસાથી મેળવવા માંગે છે જે તેની સંભાળ રાખે, તેની જરૂરિયાતો પૂરી કરે અને તેને પ્રેમ કરે. ભલે લગભગ દરેક વ્યક્તિ માટે લગ્નમાં પ્રેમ પહેલી પ્રાથમિકતા હશે પરંતુ બ્રાઝિલિયન છોકરી માટે તે પૈસા છે. આ છોકરી કહે છે કે જો કોઈ પુરુષ તેની સાથે લગ્ન કરવા માંગે છે  તો તેણે હસબન્ડ ટેક્સ ચૂકવવો પડશે. જો તે દર મહિને પૈસા આપે તો જ તે કોઈ વ્યક્તિ સાથે લગ્ન કરશે. પૈસા લેવા પાછળનું કારણ પણ ખૂબ રસપ્રદ છે.

પ્રાપ્ત માહિતી મુજબ, બ્રાઝિલિયન મોડેલ અને ઇન્ફ્લુએન્સર કેરોલ રોઝાલિન ઇન્સ્ટાગ્રામ પર ખૂબ જ ફેમસ છે, તેના 13 લાખથી વધુ ફોલોઅર્સ છે. તાજેતરમાં તે સમાચારમાં હતી કારણ કે તેણે કહ્યું હતું કે તેણે તેના હિપની સંભાળ રાખવા માટે એક ટ્રેનર રાખ્યો છે, જેને તે દર મહિને 3 લાખ રૂપિયા ચૂકવે છે. તે પહેલાં, કેરોલ સમાચારમાં હતી કારણ કે એઆઇએ રોઝલિનને સૌથી પરફેક્ટ બોડી ધરાવતી મહિલાનો ખિતાબ આપ્યો હતો.

સાઓ પાઉલોની કેરોલ હવે સમાચારમાં છે કારણ કે તેણે પુરુષો પાસેથી એક વિચિત્ર માંગણી કરી છે. તે કહે છે કે જો કોઈ પુરુષ તેની સાથે લગ્ન કરવા માંગે છે, તો તેણે હસબન્ડટેક્સ ચૂકવવો પડશે. આનો અર્થ એ થયો કે દર મહિને તે માણસે કેરોલને કેટલાક પૈસા આપવા પડશે, જે ટેક્સના રૂપમાં હશે. આ પૈસાથી તે પોતાની ફિટનેસનું ધ્યાન રાખશે. કેરોલ કહે છે કે જો કોઈ પુરુષ આવી ફિટ, જીમ-પ્રેમી સ્ત્રી સાથે લગ્ન કરવા માંગે છે, તો તેણે તેનો ખર્ચ ઉઠાવવાની હિંમત પણ રાખવી જોઈએ.

તેણીએ કહ્યું કે તે અઠવાડિયામાં પાંચ વખત વેઇટ ટ્રેનિંગ કરે છે, દરરોજ કાર્ડિયો કરે છે અને શક્ય તેટલો નેચરલ ખોરાક ખાય છે. જેમ કે શક્કરીયા, કસાવા, ઈંડા અને ઓટ્સ. તેમણે કહ્યું કે ઘણીવાર પુરુષોને ફિટ શરીરવાળી સુંદર છોકરીઓ ગમે છે પરંતુ તે તેમનો ખર્ચ ઉઠાવવા નથી માંગતા. આટલું ફિટ શરીર મેળવવા માટે સખત મહેનતની સાથે પૈસા પણ લાગે છે અને જો કોઈ તે ખર્ચ ઉઠાવી શકે તો તે તેની સાથે લગ્ન કરી શકે છે.