હવે દર્દીઓ અને તેમના સગાઓને હેલ્થ ઈન્સ્યોરન્સ ક્લેમ સેટલમેન્ટ માટે વધુ રાહ જોવી પડશે નહીં. સરકારે એક પ્લેટફોર્મ બનાવ્યું છે જેના દ્વારા વીમા દાવાની પ્રક્રિયા ઝડપી બનશે એટલું જ નહીં પરંતુ સમગ્ર પ્રક્રિયાને પારદર્શક પણ બનાવવામાં આવશે. નેશનલ હેલ્થ ક્લેમ એક્સચેન્જ ને નેશનલ હેલ્થ ઓથોરિટી દ્વારા ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા સાથે મળીને વિકસાવવામાં આવ્યું છે.
સ્વાસ્થ્ય વીમા સેવાઓ પૂરી પાડતી ઓછામાં ઓછી 33 મોટી કંપ્નીઓ નેશનલ હેલ્થ ક્લેમ એક્સચેન્જ સાથે જોડાઈ છે. આ એક પ્લેટફોર્મ છે જે સરકાર દ્વારા વીમા દાવા સંબંધિત માહિતીની આપલે કરવા માટે બનાવવામાં આવ્યું છે. અત્યાર સુધી આ કામ ઘણાં વિવિધ પ્લેટફોર્મ દ્વારા કરવામાં આવતું હતું જે ઘણો સમય માંગી લેતું હતું..સરકારી સૂત્રોનું કહેવું છે કે નેશનલ હેલ્થ ક્લેમ એક્સચેન્જનો ઉપયોગ વીમાના દાવાની પ્રક્રિયાને ઝડપી બનાવશે એટલું જ નહીં પરંતુ સમગ્ર પ્રક્રિયાને પારદર્શક પણ બનાવશે. આ સાથે, દેશની સર્વોચ્ચ વીમા નિયમનકારી સંસ્થા ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા પાસે ક્લેમ સેટલમેન્ટની સ્થિતિ વિશે વાસ્તવિક સમયની માહિતી હશે.નેશનલ હેલ્થ ઓથોરિટીના ટોચના અધિકારીએ જણાવ્યું કે સામાન્ય લોકો પણ મોબાઈલ દ્વારા તેમના વીમા દાવાની સ્થિતિ ચકાસી શકશે.

પ્રક્રિયામાં આ ફેરફાર થશે
સૂત્રોએ જણાવ્યું હતું કે નેશનલ હેલ્થ ક્લેમ એક્સચેન્જ નો ઉદ્દેશ હાલમાં વ્યવસાયનું નિયમન કરવાનો નથી, પરંતુ આ ડિજિટલ પ્લેટફોર્મ પરથી મેળવેલા ડેટાનો ઉપયોગ ભવિષ્યમાં એવી સિસ્ટમ વિકસાવવા માટે કરી શકાશે કે જે અન્યાયી આધારો પર નહી બન્યો હોય. જેમાં અમુક ડેટા પ્લેટફોર્મમાં ઉમેરી શકાય, ભૂલો અટકાવી શકાય છે.હાલમાં, સારવાર માટે હોસ્પિટલમાં જતા દર્દીઓ તેમની વીમા પોલિસીની વિગતો અથવા થર્ડ પાર્ટી એડમિનિસ્ટ્રેટર અથવા વીમા કંપ્ની દ્વારા જારી કરાયેલ કાર્ડ દશર્વિે છે. ત્યારબાદ હોસ્પિટલ સંબંધિત વીમા કંપ્નીઓના ક્લેમ પ્રોસેસિંગ પોર્ટલની મુલાકાત લે છે અને પૂર્વ મંજૂરી અથવા દાવાની મંજૂરી પ્રક્રિયા માટે જરૂરી દસ્તાવેજો અપલોડ કરે છે.પૂર્વ-મંજૂરી/દાવા ફોર્મની પ્રાપ્તિ પર, વીમા કંપ્ની/થર્ડ પાર્ટી એડમિનિસ્ટ્રેટર તેના આંતરિક દાવાની પ્રક્રિયા પોર્ટલનો ઉપયોગ કરીને ફોર્મને પ્રમાણિત કરે છે અને ડિજિટાઇઝ કરે છે. ત્યારબાદ સંબંધિત ટીમ દ્વારા દાવાઓ નક્કી કરવામાં આવે છે.ઘણીવાર, દર્દીઓને પ્રક્રિયા પૂર્ણ થવા માટે આખો દિવસ રાહ જોવી પડે છે, જેના કારણે હોસ્પિટલમાંથી રજા આપવામાં વિલંબ થાય છે અને રૂમનું વધારાનું ભાડું ચૂકવવું પડે છે.