રાજકોટ, લોધિકા અને પડધરી તાલુકાના ૧૮૦ ગામનું વિશાળ કાર્યક્ષેત્ર ધરાવતા રાજકોટના બેડી માર્કેટ યાર્ડમાં સાત દિવસનું દિવાળી વેકેશન રહેશે જેમાં ધન તેરસે હરરાજી થયા બાદ યાર્ડનું કામકાજ બધં થશે ત્યારબાદ લાભ પાંચમે મુહર્તના સોદા સાથે યાર્ડ ખુલશે. મુખ્ય બેડી યાર્ડમાં ૭ દિવસ સુધી હરરાજી સહિતના કામકાજ બધં રહેશે.
વિશેષમાં રાજકોટ માર્કેટ યાર્ડના સુત્રોએ જણાવ્યું હતું કે રાજકોટ કમિશન એજન્ટસ એસોસિએશનના પ્રમુખ અતુલભાઇ કમાણી દ્રારા રજુ કરાયેલી માંગણીને પગલે ચેરમેન જયેશભાઇ બોઘરા દ્રારા આ અંગે ટૂંક સમયમાં નિર્ણય કરાશે અને સેક્રેટરી બી.આર.તેજાણી દ્રારા પરિપત્ર પ્રસિધ્ધ કરી ખેડૂતો, વેપારીઓ અને કમિશન એજન્ટસ સહિત સૌને સત્તાવાર જાણ કરાશે.
સૌરાષ્ટ્ર્રના અન્ય તમામ માર્કેટ યાર્ડ પણ રાજકોટ માર્કેટ યાર્ડને અનુસરી રજાઓ જાહેર કરતા હોય રાજકોટ યાર્ડમાં દિવાળીની રજાના દિવસો નક્કી થઇ જતા હવે અન્ય યાર્ડમાં પણ રજાઓ અંગેનો નિર્ણય થશે.