રાજ્યમાં હવામાન વિભાગ દ્વારા પાંચ દિવસ દરમિયમ વરસાદની આગાહી કરવા આવી હતી. જેને પગલે જિલ્લામાં વાતાવરણ પલટાયું હતું. ભાવનગર શહેર જિલ્લામાં વાતાવરણમાં પલટો અચાનક પલટો જોવા મળ્યો હતો. પાંચ દિવસ દરમિયાન ગુજરાતમાં હળવાથી ભારે વરસાદની સંભાવના હવામાન વિભાગ દ્વારા દર્શાવવા આવી છે. ત્યારે શહેરના ચિત્રા, ફુલસર, નારી, સીદસર, કુંભારવાડા, વડલા, વિઠ્ઠલવાડી સહિતના વિસ્તારમાં ધોધમાર વરસાદ વરસ્યો હતો. વીજળીના કડકા અને ગાજવીજ સાથે બપોરના સમયે અચાનક કમોસામી વરસાદ શરુ થયો હતો. શહેરમાં વરસાદ પડતાની સાથે જનજીવન ખોરવાયું હતું. અને લોકો છત્રીઓ ખોલીને જોવા મળ્યા હતા. વરસાદથી વાતાવરણમાં આંશિક ઠંડક પ્રસરી હતી. જોકે કમોસામી માવઠાને પગલે ખેડૂતો ચિંતામાં મુકાયા હતા. ખેડૂતોના ઘઉં,જીરું,ચણા,કપાસ સહિતના પાકને નુકશાની થવાની ભીતિ સેવાઈ હતી. થોડીવારમાં વરસાદ થંભી જતા લોકોમાં રાહત પહોંચી હતી.