ભાવનગર શહેરમાં એક સીટી બસ ચાલતી હતી તે પણ બંધ કરી દેવામાં આવતા સામાન્યથી મધ્યમ વર્ગના લોકોને મસ મોટા રિક્ષા ભાડાઓ ખર્ચી મુસાફરી કરવાનો વારો આવ્યો છે.આથી તેમને આર્થિક સહિતની મુશ્કેલીઓ વેઠવાનો વારો આવ્યો છે.એક સમય હતો જ્યારે લગભગ શહેરના દરેક વિસ્તારમાં જવા માટે સીટી બસ સેવા ઉપલબ્ધ હતી.આજે સીટી બસ સ્ટેન્ડમાં બસના બદલે રીક્ષા અને અન્ય વાહનોનું પાર્કિંગ જોવા મળે છે.આજે રિક્ષાઓની બોલબાલા અને કંઇક અંશે દાદાગીરી પણ વધી છે ત્યારે ભાવનગરની પ્રજા તો નબળી છે પરંતુ નેતાગીરી તો પ્રજાને પણ સારી કહેવડાવે તેવી છે.